თბილისი, 5 იანვარი – Sputnik. ქუთაისი-ხონის გზაზე ავტოსაგზაო შემთხვევის შედეგად 18 წლის გოგონა დაიღუპა, იუწყება ტელეკომპანია „რუსთავი 2“.
ერთმანეთს მსუბუქი ავტომობილი და ბენზინმზიდი შეეჯახა. თვითმხილველების თქმით, მსუბუქი ავტომობილი, რომელსაც 18 წლის გოგონა მართავდა, გადაჭარბებული სიჩქარით მოძრაობდა.
მსუბუქი ავტომობილი ბენზინმზიდს მაშინ შეეჯახა, როცა სატვირთო ავტომობილი ბენზინგასამართი სადგურიდან საავტომობილო გზის სავალ ნაწილზე გადიოდა. გოგონა ადგილზე გარდაიცვალა. ბენზინმზიდის მძღოლი არ დაშავებულა.
ამ დროისათვის ადგილზე სამართალდამცველები მუშაობენ.
