თბილისი, 25 დეკემბერი — Sputnik. ლონდონსა და ბრიუსელს შორის Brexit-ის შემდგომი სავაჭრო გარიგების გაფორმებას შოტლანდიის პირველი მინისტრი ნიკოლა სტერჯენი საკუთარ Twitter-ზე გამოეხმაურა და შოტლანდიის დამოუკიდებლობა მოითხოვა.
Before the spin starts, it’s worth remembering that Brexit is happening against Scotland’s will. And there is no deal that will ever make up for what Brexit takes away from us. It’s time to chart our own future as an independent, European nation.
— Nicola Sturgeon (@NicolaSturgeon) December 24, 2020
„უნდა გავიხსენოთ, რომ Brexit შოტლანდიელების ნების საწინააღმდეგოდ ხდება. არ არსებობს არანაირი გარიგება, რომელიც ოდესმე შეძლებს იმის ანაზღაურებას, რაც ჩვენ Brexit-მა წაგვართვა. დადგა დრო, საკუთარი მომავალი განვსაზღვროთ როგორც დამოუკიდებელმა ევროპულმა ქვეყანამ“, — წერს მინისტრი.
როგორც ცოტა ხნის წინ ჩატარებულმა სოციოლოგიურმა გამოკითხვამ აჩვენა, შოტლანდიელთა უმეტესობა დამოუკიდებლობას უჭერს მხარს. ამასთან აღსანიშნავია ისიც, რომ 2014 წელს შოტლანდიის დამოუკიდებლობის შესახებ პირველ რეფერენდუმზე მოსახლეობის 55%-მა მხარი არ დაუჭირა დიდი ბრიტანეთისგან გამოყოფას.
ბრიტანეთი დათმობებზე წავიდა: ევროკავშირთან სავაჭრო გარიგება შედგა>>
2021 წლის მაისში შოტლანდიაში მომდევნო საპარლამენტო არჩევნები გაიმართება. როგორც მოსალოდნელია, ნიკოლა სტერჯენის პარტია აქტიურად იბრძოლებს დამოუკიდებლობის შესახებ კიდევ ერთი რეფერენდუმის ჩასატარებლად.
