რა რაოდენობის თაფლია დასაშვები, რათა ორგანიზმს ზიანი არ მიადგეს: ექიმის რჩევა

© Pixabay / explorerbobთაფლი
თაფლი - Sputnik საქართველო
გამოწერა
სწორი დოზის შემთხვევაში თაფლს ანგინის განკურნებაც კი შეუძლია, ჭარბ რაოდენობას კი მხოლოდ ზიანი მოაქვს ადამიანისთვის, მიაჩნია ენდოკრინოლოგს

თბილისი, 18 დეკემბერი — Sputnik. დიდი რაოდენობით თაფლის მიღებამ შეიძლება ჯანმრთელობის სერიოზული პრობლემები გამოიწვიოს, აცხადებს ენდოკრინოლოგი, მედიცინის მეცნიერებათა კანდიდატი ზუხრა პავლოვა.

„პირველ რიგში, თაფლი ძალიან კალორიული პროდუქტია. მეორეც, ფრუქტოზის ჭარბი რაოდენობა (თაფლი ძირითადად მისგან შედგება) ღვიძლის ცხიმოვან გადაგვარებას  იწვევს. ამასთან აპროვოცირებს მუდმივ მადას, რადგან ბლოკავს ჰორმონ ლეპტინის რეცეპტორებს, რომელიც დანაყრებაზეა პასუხისმგებელი“, — წერს სპეციალისტი საკუთარ ინსტაგრამ-გვერდზე.  

მისი თქმით, დღეს ძალიან ძნელია „პატიოსნად წარმოებული ჯადოსნური თვისებების მქონე თაფლის“ შოვნა.  მთავარი პრობლემა პესტიციდებია, რომელთა უკონტროლო გამოყენების გამო ფუტკრები იღუპებიან.

მინერალური წყალი - Sputnik საქართველო
„ნელი მოქმედების ბომბი“: როდის ხდება წყალი ჯანმრთელობის მტერი – რეკომენდაციები

„პესტიციდები დიდი ხნის წინ გამოიგონეს და, სავარაუდოდ, ისინი უკვე მოხვდა იმ მინდვრებში, სადაც ფუტკრები დაფრინავენ. და რას მივიღებთ შედეგად? რა თქმა უნდა, არა სამკურნალო პროდუქტს“, — ამბობს ექიმი.

სპეციალისტი გვაფრთხილებს, რომ დიდი რაოდენობით თაფლი აბსოლუტურად ჯანმრთელმა ადამიანმაც კი არ უნდა მიირთვას ყოველდღე, რომ აღარაფერი ითქვას გარკვეული დაავადებების მქონეებზე.

„დროდადრო მხვდებიან დიაბეტით დაავადებულები, რომლებსაც რატომღაც მიაჩნიათ, რომ თაფლის მიღება შეუძლიათ. უფრო მეტიც, მათი აზრით, თაფლისგან უკეთესად გახდებიან. ეს არის ძალიან საშიში მცდარი დასკვნა, რამაც შეიძლება კომა გამოიწვიოს“, — განმარტავს ენდოკრინოლოგი.

ამავე დროს, სპეციალისტი გვახსენებს, რომ კარგი თაფლი შესანიშნავი ანტისეპტიკური და აღმდგენი საშუალებაა. მაგალითად, ანგინის დროს, შეგიძლიათ კარგად გამოივლოთ ყელი და ერთი პატარა კოვზი თაფლი გაწუწნოთ — მეტი არავითარ შემთხვევაში არ შეიძლება. ექიმის თქმით, თაფლს ანგინიანისთვის მხოლოდ ამ შემთხვევაში ექნება სარგებელი.

 

ყველა ახალი ამბავი
0