თბილისი, 9 დეკემბერი - Sputnik. გორში ახალი კორონავირუსით კიდევ ერთი ექიმი გარდაიცვალა – კლინიკა „გორმედის“ მედპერსონალმა თანამშრომლის გადარჩენა ვერ შეძლო, იუწყება პირველი არხი.
საქართველოში 8 ათასზე მეტი მედიკოსია ინფიცირებული>>
ინფიცირებული ექიმი მართვით სუნთქვაზე იმყოფებოდა, ბოლო დღეებში კი მისი მდგომარეობა კიდევ უფრო დამძიმდა.
ექიმი კლინიკა „გორმედში“ წლების განმავლობაში მუშაობდა. ის პანდემიის დაწყების დღიდან აქტიურად იყო ჩართული კორონავირუსთან ბრძოლაში.
ამ დროისათვის საქართველოში კორონავირუსით ინფიცირებული მედიკოსების საერთო რაოდენობა 8 ათასს აჭარბებს.
ქვეყანაში COVID-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 174.383-ს შეადგენს. 2020 წლის 26 თებერვლიდან დღემდე სულ 1.614 ადამიანი გარდაიცვალა.
