სომხეთი და აზერბაიჯანი შეთანხმდნენ ტყვეთა გაცვლაზე პრინციპით „ყველა ყველაზე“

© photo: Sputnik / Maxim Blinov / გადასვლა მედიაბანკშისტეპანაკერტში საველე ჰოსპიტალი იშლება
სტეპანაკერტში საველე ჰოსპიტალი იშლება - Sputnik საქართველო
გამოწერა
სომხეთის პრემიერის თქმით, საუბარია როგორც იმ პირებზე, რომლებიც ტყვედ ჩავარდა ყარაბაღში კონფლიქტის ბოლოდროინდელი ესკალაციის დროს, არამედ მათზე, ვინც ტყვეობაში მანამდე მოხვდა

თბილისი, 5 დეკემბერი – Sputnik. ბაქოსა და ერევანს შორის ტყვეთა გაცვლა უკვე შეთანხმებულია პრინციპით „ყველა ყველაზე“, განაცხადა სომხეთის პრემიერ-მინისტრმა ნიკოლ ფაშინიანმა. ამის შესახებ წერს РИА Новости.

სომხური მხარის მიერ მიტოვებული ტანკი  - Sputnik საქართველო
მოსაზრება: რატომ დაკარგა სომხეთმა დიდი რაოდენობით სამხედრო ტექნიკა?

„ტყვეების დაბრუნება უმნიშვნელოვანესი ამოცანაა. მინდა განვაცხადო, რომ აქ გარკვეული პროგრესი შეინიშნება. აზრობრივად, შეთანხმებულია გაცვლის პრინციპი „ყველა ყველაზე“, - მიმართა თანამემამულეებს ფაშინიანმა.

მან ხაზი გაუსვა, რომ საუბარია როგორც იმ პირებზე, რომლებიც ტყვედ ჩავარდა ყარაბაღში კონფლიქტის ბოლოდროინდელი ესკალაციის დროს, არამედ მათზე, ვინც ტყვეობაში მანამდე მოხვდა. მისი თქმით, ახლა საჭიროა შემუშავდეს იმ ტყვეთა დაბრუნების მექანიზმები, რომელთა შესახებ მონაცემები მომავალში გახდება ცნობილი.

სომხეთის პრემიერის თქმით, კიდევ ერთ მნიშვნელოვან პრობლემას უგზო-უკვლოდ დაკარგულთა ძებნა წარმოადგენს. მან განაცხადა, რომ 9 ნოემბრიდან კონფლიქტის ზონიდან დაღუპული სამხედრო მოსამსახურეთა 600-ზე მეტი ცხედარია გადმოსვენებული, ამჟამად 500 ცხედრის ამოცნობა მიმდინარეობს.

„დიდი ალბათობით შეიძლება ითქვას, რომ ეს ჩვენი უგზო-უკვლოდ დაკარგულ თანამემამულეთა ცხედრებია... ამოცნობა დნმ-ის ტესტების დახმარებით მიმდინარეობს. დღეისათვის იდენტიფიცირებულია და ახლობლებს გადაეცა დაღუპულთა 135 ცხედარი“, - განაცხადა ფაშინიანმა.

ოპოზიციის მიტინგი ერევანში - Sputnik საქართველო
ერევანში მომიტინგეებმა ფაშინიანის გადადგომის მოთხოვნით მსვლელობა გამართეს

სექტემბრის ბოლოს მთიან ყარაბაღში შეიარაღებული კონფლიქტი დაიწყო, რომელშიც სომხეთმა და აზერბაიჯანმა ერთმანეთი დაადანაშაულეს. რუსეთის შუამავლობით ქვეყნები 2020 წლის 10 ნოემბრიდან სამხედრო მოქმედებების სრულ შეწყვეტაზე შეთანხმდნენ.

ხელშეკრულების პირობების მიხედვით, სომხეთი და აზერბაიჯანი დაკავებულ პოზიციებზე რჩებიან, მთიანი ყარაბაღის ტერიტორიაზე რუსი სამშვიდობოები შედიან. ისინი მხარეთა გამყოფი ხაზისა და ყარაბაღისა და სომხეთის დამაკავშირებელი დერეფნის გასწვრივ ლაგდებიან. გარდა ამისა, სომხეთი რამდენიმე რაიონს თმობს.

ყველა ახალი ამბავი
0