თბილისი, 10 აგვისტო – Sputnik. ბელარუსის მოქმედ პრეზიდენტს ალექსანდრ ლუკაშენკოს საპრეზიდენტო არჩევნებზე, სავარაუდოდ, ხმების 80,23% აქვს, განაცხადა ბელარუსის ცესკოს თავმჯდომარემ ლიდია ერმოშინამ.
„მას ხმა მისცა 4 652 ათასმა ადამიანმა“, – განაცხადა მან ბრიფინგზე.
საარჩევნო უბნებზე სულ გამოცხადდა 5 790 ათასი ადამიანი, ანუ გამოცხადდა ამომრჩევლების 84,23%, აღნიშნა ერმოშინამ.
არჩევნები გუშინ გაიმართა. შედეგებით მეორე ადგილზეა სვეტლანა ტიხანოვსკაია – 9,9%.
ვითარება ბელარუსის დედაქალაქსა და სხვა ქალაქებში დაძაბულია – კენჭისყრის შედეგებით უკმაყოფილო ორგანიზაციები და მოქალაქეები ქუჩებში გამოვიდნენ. ხალხის დასაშლელად ძალოვანმა სტრუქტურებმა ხმოვანი ყუმბარები და ცრემლსადენი გაზი გამოიყენეს.
