უსაფრთხოების პროტოკოლი საერთაშორისო დამკვირვებლებისთვის: ქვეყანა არჩევნებისთვის ემზადება

© photo: Archil Talakvadze / FBარჩილ თალაკვაძე
არჩილ თალაკვაძე - Sputnik საქართველო
გამოწერა
საერთაშორისო დამკვირვებლები, კარანტინში მოთავსების სანაცვლოდ, საქართველოში ჩამოსვლამდე სპეციალურ მოდულზე დარეგისტრირდებიან, მათი უსაფრთხოება არჩევნებზე მუშაობის დროსაც გარანტირებული იქნება

თბილისი, 3 აგვისტო – Sputnik. საქართველოს პარლამენტსა და მთავრობაში აქტიურად მუშაობენ წესებსა და სტანდარტებზე, რომლებიც არჩევნებს უსაფრთხოს გახდის.

საპარლამენტო არჩევნები საქართველოში 2020 წლის 31 ოქტომბერს კორონავირუსის პანდემიის პირობებში ჩატარდება. ეს მთავრობას უსაფრთხოების თვალსაზრისით დამატებით პასუხისმგებლობას აკისრებს.

ცესკო - Sputnik საქართველო
საპარლამენტო არჩევნები: ცესკომ კიდევ ექვსი პარტია დაარეგისტრირა

როგორც ჟურნალისტებს საქართველოს პარლამენტის თავმჯდომარე არჩილ თალაკვაძემ განუცხადა, უკვე მიღებულია შესაბამისი საკანონმდებლო რეგულაციები. უსაფრთხოების პროტოკოლი უკვე მომზადებულია. ის პანდემიის პრიობებში საერთაშორისო დამკვირვებლების ჩამოსვლასა და მუშაობას უზრუნველყოფს.

თალაკვაძის განცხადებით, უსაფრთხოების პროტოკოლზე, რომელიც არჩევნების დროს იქნება გამოყენებული, საარჩევნო ადმინისტრაცია ჯანდაცვის სამსახურებთან ერთად მუშაობს. ეს იმისთვისაა საჭირო, რომ უსაფრთხო გარემო იყოს უზრუნველყოფილი საარჩევნო ყუთთან მისული მოქალაქეებისთვის.

„ასევე დამკვირვებლებისთვის შექმნილია უსაფრთხოების სპეციალური პროტოკოლი, რომელიც ქვეყანაში დამკვირვებლების უსაფრთხოდ ჩამოსვლასა და  მათი საქმიანობის შეუფერხებლად განხორციელებას უზრუნველყოფს. მათ კარანტინში განთავსება არ მოუწევთ, ამისთვის სპეციალური მოდული არის შექმნილი, სადაც ყველა დამკვირვებელს შეუძლია დარეგისტრირება“, – განაცხადა თალაკვაძემ.

არჩევნები 2020: გაივლიან თუ არა კარანტინს საერთაშორისო დამკვირვებლები>>

მისი თქმით, უკვე დაწყებულია სამუშაო შეხვედრები დიდ სადამკვირვებლო ინსტიტუტებთან.

ამჯერად საპარლამენტო არჩევნები შერეული სისტემით ჩატარდება – მოსახლეობა 120 დეპუტატს პროპორციული, ხოლო 30–ს – მაჟორიტარული სისტემით აირჩევს.

ყველა ახალი ამბავი
0