თბილისი, 25 ივლისი - Sputnik. საქართველოს ინოვაციების და ტექნოლოგიების სააგენტო პროექტს „როგორ შევქმნათ სტარტაპი“ იწყებს.
პროექტის მიზანი ახალგაზრდებში დარგის პოპულარიზაცია, მსოფლიო ტრენდების გაცნობა და მათი იდეების განხორციელების ხელშეწყობაა.
სააგენტოს განცხადებით, პროექტში მონაწილეობის მიღება შეუძლია მე-10, მე-11 და მე-12 კლასის მოსწავლეებსა და სტუდენტებს შემდეგი ქალაქებიდან: ზუგდიდი, ბათუმი, თელავი და კასპი. პროექტის ფარგლებში 40 მონაწილე შეირჩევა
კურსის ფარგლებში დაგეგმილია შემდეგი აქტივობები: პროექტზე გუნდურად მუშაობა, ბაზრის კვლევა, პროდუქტის ტექნიკური აღწერის მომზადება და პრეზენტაცია, სხვადასხვა ბიზნეს მოდელის განხილვა და დისკუსიები, ფინალური პრეზენტაციები და ა.შ.
პროექტი ხორციელდება Kings Georgia-თან ერთად და კურსს წარუძღვებიან საქართველოს წამყვანი და გამოცდილი ტრენერები.
კურსი გაიმართება ონლაინ რეჟიმში, ხოლო შემაჯამებელი შეხვედრები - რეგიონალურ ტექნოპარკებში.
განაცხადების მიღება მიმდინარეობს 9 აგვისტოს ჩათვლით.
