თბილისი, 12 ივლისი – Sputnik. მამაკაცი, რომელიც რუსთავის „ცხელების ცენტრიდან“ გაიქცა, სამართალდამცველებმა საკარანტინო სივრცეში დააბრუნეს, იუწყება „პირველი არხი“.
რუსთავის „ცხელების ცენტრიდან“ პაციენტი დღეს გაიქცა. შუახნის მამაცი, რომელსაც რუსეთში მოგზაურობის ისტორია აქვს, რუსთავის საკარანტინო სივრცეში იმყოფებოდა.
მას თერმოსკრინინგის დროს ტემპერატურა დაუდასტურდა, რის გამოც „ცხელების ცენტრის“ ბოქსირებულ განყოფილებაში გადაიყვანეს, სადაც ანალიზები აუღეს. თუმცა, ვიდრე ე.წ. ცხელების ცენტრიდან საკარანტინო სივრცეში დაბრუნდებოდა, პაციენტი ფანჯრიდან გადახტა და მიიმალა.
