თბილისი, 3 ივლისი – Sputnik. გასულ დღე-ღამეში აზერბაიჯანში კორონავირუსის 583 ახალი შემთხვევა გამოვლინდა, იუწყება „Sputnik–აზერბაიჯანი“ ქვეყნის მინისტრთა კაბინეტთან არსებულ კორონავირუსთან ბრძოლის ოპერატიულ შტაბზე დაყრდნობით.
ამასთან, ბოლო 24 საათში აზერბაიჯანში გამოჯანმრთელდა 395 ინფიცირებული, ხოლო შვიდი პაციენტი გარდაიცვალა.
მთლიანობაში თებერვლის ბოლოდან დღემდე აზერბაიჯანში გამოვლინდა კორონავირუსით ინფიცირების 19 267 შემთხვევა, აქედან გამოჯანმრთელდა 10 820, გარდაიცვალა 235 ადამიანი.
ამჟამად მკურნალობს 8212 პაციენტი.
აღნიშნულ პერიოდში ქვეყანაში კორონავირუსის გამოსავლენად ჩატარდა 502 965 ტესტი, აქედან 7137 – გასულ დღე–ღამეში.
აზერბაიჯანის ზოგიერთ რაიონში 5 ივლისის 06:00 საათამდე მკაცრი საკარანტინო რეჟიმი მოქმედებს. ამ ტერიტორიებზე შეჩერებულია ყველა სახის სამუშაო, საზოგადოებრივი ტრანსპორტისა და ავტომობილების მოძრაობა. მუშაობისა და გადაადგილების უფლება აქვთ მხოლოდ სპეციალური ნებართვის მქონე მოქალაქეებს.
