თბილისი, 28 ივნისი – Sputnik. სომხეთში კორონავირუსით ინფიცირების დადასტურებული შემთხვევების რაოდენობა 24 645-მდე გაიზარდა, იუწყება Sputnik-სომხეთი.
გასულ დღე-ღამეში კორონავირუსით ინფიცირების 736 შემთხვევა გამოვლინდა.
საერთო ჯამში კორონავირუსით გამოწვეული გართულებებით სომხეთში 426 ადამიანი გარდაიცვალა (გასულ დღე-ღამეში - 6). კორონავირუსის დიაგნოზის მქონე, თუმცა სხვა მიზეზებით გარდაცვლილი პაციენტების რაოდენობა 139-მდე გაიზარდა (გასულ დღე-ღამეში - 7).
კორონავირუსი 13116-მა პაციენტმა დაამარცხა (+205). მკურნალობის კურსს გადის 10 964 პაციენტი (+519). ქვეყანაში კორონავირუსის გამოსავლენად სულ ჩატარდა 109073 თესტი (+2065).
სომხეთში 16 მარტიდან 13 ივლისამდე საგანგებო მდგომარეობის რეჟიმი მოქმედებს. აკრძალულია მიტინგები და თავყრილობები. პირბადის ტარება სავალდებულო გახდა.
