Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

გახარია: საქართველო სომხეთს სამედიცინო პერსონალით დაეხმარება

© Sputnik / STRINGERნიკოლ ფაშინიანის ვიზიტი საქართველოში
ნიკოლ ფაშინიანის ვიზიტი საქართველოში - Sputnik საქართველო
გამოწერა
НовостиTelegram
სომხეთმა საქართველოს დახმარება სწორედ მედპერსონალით სთხოვა, ამიტომ ქართველი ექიმები მალე გაემგზავრებიან ერევანში, რათა სომეხ კოლეგებს თავიანთი გამოცდილება გაუზიარონ.

თბილისი, 11 ივნისი – Sputnik. სომხეთში COVID-19-თან დაკავშირებით სიტუაციის გაუარესებასა და ინფიცირებულების რაოდენობის ზრდასთან დაკავშირებით საქართველო თავის მედიკოსებს ერევანში გაამგზავრებს, განაცხადა მთავრობის სხდომაზე საქართველოს პრემიერ-მინისტრმა გიორგი გახარიამ.

„პაციენტები სუნთქავენ“ – სომხეთის ჯანდაცვის მინისტრი საქართველოს მადლობას უხდის>>

შეზღუდვების დროულად დაწესებისა და მედპერსონალის ორგანიზებულობის წყალობით საქართველომ კორონავირუსთან ბრძოლაში დიდ წარმატებებს მიაღწია. ინფიცირების პირველი შემთხვევა ქვეყანაში 26 თებერვალს დაფიქსირდა, დღევანდელი მდგომარეობით 828 შემთხვევაა გამოვლენილი. ამასთან, დაავადებულთა 70% განიკურნა.

„ჯანდაცვის სამინისტროს უკვე აქვს მიღებული დავალება, რომ მოამზადოს ის დახმარება, რომელიც საქართველოს შეუძლია გაუწიოს მეზობელ სომხეთს. როგორც ჩანს, ეს, პირველ რიგში, იქნება სამედიცინო პერსონალით დახმარება, ასეთი თხოვნა გამოიკვეთა ჩვენი მეზობლების მხრიდან“, – განაცხადა პრემიერმა.

გახარიას თქმით, გლობალური კრიზისის პირობებში როგორც სამედიცინო, ისე ეკონომიკური თვალსაზრისით ამ გამოწვევას ვერც ერთი ქვეყანა ვერ გაუმკლავდება მარტო.

საქართველოს საგარეო საქმეთა სამინისტრო - Sputnik საქართველო
საქართველო მზად არის დაეხმაროს სომხეთს კორონავირუსთან ბრძოლაში

„გვმართებს ურთიერთ თანადგომა, მოგეხსენებათ, ჩვენს მეზობელ ქვეყნებში საკმაოდ დაიძაბა ბოლო პერიოდში მდგომარეობა. მე პირადად ყოველდღიურ პირად კავშირზე ვარ სომხეთის პრემიერთან, ისევე, როგორც კოლეგები – ჯანდაცვის, ეკონომიკის, საგარეო საქმეთა მინისტრები, ყველა, და ჩვენ უკვე მოვახდინეთ იმის იდენტიფიცირება, თუ რა სახის დახმარება სჭირდებათ ჩვენს მეზობლებს. აქ ურთიერთ თანადგომა არის უკიდურესად მნიშვნელოვანი“, – განაცხადა გახარიამ.

მხოლოდ გასულ დღე-ღამეში სომხეთში კორონავირუსის 566 ახალი შემთხვევა გამოვლინდა. ქვეყანაში ინფიცირებულთა რაოდენობამ 14669-ს მიაღწია. ვირუსის გართულებებისგან გარდაიცვალა 245 ადამიანი (პლუს 18 – გასულ 24 საათში). კორონავირუსის მქონე პაციენტების რაოდენობა, რომლებიც სხვა მიზეზით გარდაიცვალნენ, 82-ია (პლუს 5 – გასულ 24 საათში).

პეტიციამ შედეგი გამოიღო: საქართველო სომხეთს სადეზინფექციო კაბინებით დაეხმარება>>

განიკურნა 5 466 ადამიანი. მკურნალობს 8 876. სულ ჩატარდა 75 389 ტესტი.

ყველა ახალი ამბავი
0