თბილისი, 8 ივნისი — Sputnik. ბანკების მობილური დანართები ტელეფონებისთვის ძალზე მოსახერხებელია გამოსაყენებლად, მაგრამ ზოგ შემთხვევაში შესაძლოა საფრთხის შემცველიც იყო, აცხადებს რუსეთის ორგანიზაცია „ციფრული პლატფორმების“ გენერალური დირექტორი არსენი შელცინი.
ექსპერტის თქმით, იმისათვის, რომ არ დაუშვათ პერსონალური მონაცემების გაჟონვა და თანხების მოპარვა ანგარიშებიდან, აუცილებელია ტელეფონზე მობილური ანტივირუსის დაყენება.
„იმისათვის, რომ უსაფრთხოება უზრუნველყოთ, ტელეფონზე მობილური ანტივირუსი–დანართი უნდა დააყენოთ, ან, უბრალოდ, უნდა გამიჯნოთ ანგარიშები და გადახდები. ასევე არ უნდა დაუშვათ ტელეფონით წვდომა იმ საბანკო ანგარიშებზე, რომლებზეც დიდი თანხები ინახება“, — აღნიშნავს ექსპერტი.
მისი თქმით, არავითარ შემთხვევაში არ უნდა დაკლიკოთ არა მარტო გაურკვეველი ნომრებიდან SMS-ით მიღებულ ბმულებზე, არამედ ნაცნობი ნომრებიდან გამოგზავნილ საეჭვო ლინკებზეც.
კიდევ ერთი რეკომენდაცია ექსპერტისგან ისაა, რომ არ უნდა ჩატვირთოთ სმარტფონში ისეთი დანართი, რომელიც ძალიან ბევრ ფუნქციას ითხოვს ტელეფონში — ასეთი შეიძლება იყო ფანარი ან რომელიმე პატარა თამაშიც კი.
