აჭარამ მწვანე ზონის სტატუსი დაიბრუნა: გამოჯანმრთელდა ბოლო ორი კოვიდინფიცირებული პაციენტი

© photo: Sputnikბათუმის ბულვარში
ბათუმის ბულვარში - Sputnik საქართველო
გამოწერა
НовостиTelegram
აჭარის რეგიონში 30 აპრილის შემდეგ, უკვე 23 დღეა, კორონავირუსის ახალი შემთხვევა არ გამოვლენილა. აჭარაში კორონავირუსზე PCR ტესტი ჩაუტარდა 10 773 პირს. კორონავირუსი დაამარცხა 70-მა პაციენტმა.

თბილისი, 23 მაისი - Sputnik. აჭარაში კორონავირუსით ინფიცირებული ბოლო ორი პაციენტი გამოჯანმრთელდა, განაცხადა აჭარის მთავრობის თავმჯდომარემ თორნიკე რიჟვაძემ.

აჭარაში 30 აპრილის შემდეგ, უკვე 23 დღეა, კორონავირუსის ახალი შემთხვევა არ გამოვლენილა

„აჭარამ დაიბრუნა მწვანე ზონის სტატუსი. ეს განსაკუთრებით მნიშვნელოვანია ტურისტული სეზონის მოახლოებასთან დაკავშირებით. ახლა მთავარია, ყველამ დავიცვათ რეკომენდაციები და შევძლოთ პირველი ტურისტების მიღება. შესაბამისად უნდა დავიწყოთ ეკონომიკის ამოქმედება“, – განაცხადა თორნიკე რიჟვაძემ.
მშვიდობის ხიდი თბილისში  - Sputnik საქართველო
საქართველო ტურიზმის მსოფლიო ორგანიზაციას უსაფრთხოების საკუთარ წესებს შესთავაზებს

აჭარის მთავრობის თავმჯდომარემ განსაკუთრებული მადლობა გადაუხადა მედიკოსებს და უწყებათაშორის კომისიას.

აჭარაში კორონავირუსის პირველი შემთხვევა 15 მარტს დადასტურდა. ინფიცირებული იყო საქართველოს მოქალაქე, რომელიც უცხოეთიდან დაბრუნების შემდეგ, აეროპორტიდანვე კარანტინში გადაიყვანეს. კორონავირუსის შიდა გავრცელების პირველი შემთხვევა კი აჭარაში 7 აპრილს დაფიქსირდა. აჭარაში კორონავირუსზე PCR ტესტი ჩაუტარდა 10 773 პირს. კორონავირუსი დაამარცხა 70-მა პაციენტმა.

ამ დრომდე მწვანე ზონებად მიიჩნევა კახეთი და გურია.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა. ის 23 მაისამდე მოქმედებდა - შეზღუდვები 00:00 საათიდან მოიხსნა.

ბოლო მონაცემებით, საქართველოში კორონავირუსი 728 ადამიანს დაუდასტურდა, აქედან 509 უკვე გამოჯანმრთელდა. საქართველოში კორონავირუსით გარდაიცვალა 12 ადამიანი.

 

ყველა ახალი ამბავი
0