ყავის მარცვლებით და მაკარონით შექმნილი უნიკალური ნახატები: ანა ნინუას შემოქმედება

გამოწერა
მხატვარ ანა ნინუას მიერ შექმნილმა „მაკარონების ქალბატონმა“ იტალიის საელჩოს თანამშრომლების დიდი მოწონება დაიმსახურა.

ხატვა 17 წლის ასაკში დაიწყო. ამბობობს, რომ ამისთვის გვიან არასოდეს არ არის. მიუხედავად იმისა, რომ სპორტული სამეჯლისო ცეკვების ქორეოგრაფია, მხატვრობას მის ცხოვრებაში ძალიან დიდი ადგილი უკავია. წარმატებით აქვს მონაწილეობა მიღებული საკმაოდ ბევრ პროექტში და გამოფენაში.

© photo: courtesy of Ana Ninuaანა ნინუას ნამუშევარი
ყავის მარცვლებით და მაკარონით შექმნილი უნიკალური ნახატები: ანა ნინუას შემოქმედება - Sputnik საქართველო
ანა ნინუას ნამუშევარი

- გაეცანით ჩვენს მკითხველს, მოგვიყევით თქვენ შესახებ…

- პირველ რიგში მადლობას გიხდით, რომ დაინტერესდით ჩემი შემოქმედებით და გადაწყვიტეთ გაცნობოდით მას უფრო ახლოდან. რაც შეეხება ჩემს პროფესიებს, ვარ სპორტულ სამეჯლისო ცეკვების ყოფილი მოცეკვავე და არაერთი პრიზის მფლობელი, მათ შორის რამდენჯერმე საქართველოს ჩემპიონის ტიტულის მქონე. მქონდა ასევე სტუდია და მყავდა მოსწავლეები, თუმცა ტრავმის გამო (იმედია, დროებით) მომიხდა თავის დანებება. ქორეოგრაფობამ დიდი გამოცდილება მომცა და ამის შემდეგ ავიყვანე დაწყებითი კლასის მოსწავლეები, რომლებსაც რამდენიმე საგანში ვამეცადინებდი. მათ კიდევ უფრო მეტად შემაყვარეს ჩემი საქმე.

© photo: courtesy of Ana Ninuaანა ნინუას ნამუშევარი
ყავის მარცვლებით და მაკარონით შექმნილი უნიკალური ნახატები: ანა ნინუას შემოქმედება - Sputnik საქართველო
ანა ნინუას ნამუშევარი

- ხატვა რამდენი წლისამ დაიწყეთ?

- მართალია ბავშვობიდან ვხატავდი, თუმცა ამას დიდ მნიშვნელობას არ ვანიჭებდი. პროფესიონალურად და აკადემიურად ხატვის სწავლა კი 17 წლის ასაკში დავიწყე. მონაწილეობა მაქვს მიღებული საკმაოდ ბევრ პროექტში და გამოფენაში. ვსწავლობ ივანე ჯავახიშვილის სახელობის თბილისის სახელმწიფო უნივერსიტეტში სახვითი ხელოვნების ფაკულტეტზე, ვარ მესამე კურსზე. ვფიქრობ, ხელოვნებამ მოახერხა დამენახა სწორი გზა და ის, რისი კეთებაც რეალურად მინდოდა.

© photo: courtesy of Ana Ninuaანა ნინუას შემოქმედება
ყავის მარცვლებით და მაკარონით შექმნილი უნიკალური ნახატები: ანა ნინუას შემოქმედება - Sputnik საქართველო
ანა ნინუას შემოქმედება

- რა ადგილი უკავია მხატვრობას თქვენს ცხოვრებაში?

- მგონია, რომ მხატვრობა განსაკუთრებული რამ არის, რასაც თუ ხელს მოკიდებ და სიღრმისეულად შეისწავლი, ვერასდროს ვეღარ ამოშლი შენი ცხოვრებიდან. ამ შემთხვევაშიც მხატვრობამ მოახერხა  განსაკუთრებული ადგილი დაეკავებინა ჩემს ცხოვრებაში, რომელიც სწორედ მისთვის იყო განკუთვნილი.

© photo: courtesy of Ana Ninuaანა ნინუას შემოქმედება
ყავის მარცვლებით და მაკარონით შექმნილი უნიკალური ნახატები: ანა ნინუას შემოქმედება - Sputnik საქართველო
ანა ნინუას შემოქმედება

- ხატვის გარდა ხელოვნების რომელი დარგით ხართ დაინტერესებული? როგორც ვიცი, ხელნაკეთ ნივთებსაც ქმნით…

- დიახ, ვაკეთებ ხელნაკეთ ნივთებს სხვადასხვა მასალით - ძვირფასი აბრეშუმის (შიბორის) ლენტებით, ბისერებით, თვლებით, სუტაჟის თოკებით. ასევე ვქარგავ ლუნევილური და ლენტური ქარგვის ტექნიკით. განსაკუთრებულად მიყვარს შერეული ტექნიკით მუშაობა და საუცხოო ნამუშევრების შექმნა.

© photo: courtesy of Ana Ninuaანა ნინუას შემოქმედება
ყავის მარცვლებით და მაკარონით შექმნილი უნიკალური ნახატები: ანა ნინუას შემოქმედება - Sputnik საქართველო
ანა ნინუას შემოქმედება

- ნახატებს ყავის მარცვლებით და მაკარონითაც ასრულებთ, როგორ გაგიჩნდათ ეს იდეა?

- პირველი ნამუშევარი, რომელიც მსგავსი ტექნიკით შევასრულე, იყო მართა დედოფლის პორტრეტი, რომლის მდიდრულმა სამოსმაც გამიჩინა იდეა, რომ გამომეყენებინა მინის თვლები და ბისერები. სწორედ ამის შემდეგ გადავწყვიტე შემექმნა უფრო საინტერესო და მრავალფეროვანი ნამუშევრები. რაც შეეხება „მაკარონების ქალბატონს“, ეს ყველაზე მნიშვნელოვანი ნამუშევარია, რადგან მონაწილეობა მიიღო გამოფენა-კონკურსში, სადაც დიდი სიყვარული და მოწონება დაიმსახურა იტალიის საელჩოსგან და თავად იტალიის ელჩის მოადგილისგან.

მასალად შესაძლოა გამოვიყენო ყველაფერი, რაც საჭირო ან თუნდაც გამოუსადეგარია და ვაჩუქო მათ ახალი სიცოცხლე.

© photo: courtesy of Ana Ninuaანა ნინუას ნამუშევარი
ყავის მარცვლებით და მაკარონით შექმნილი უნიკალური ნახატები: ანა ნინუას შემოქმედება - Sputnik საქართველო
ანა ნინუას ნამუშევარი

- რამდენად საინტერსოა ამ მიმართულებით მუშაობა?

- საკმაოდ საინტერესო და ამავე დროს შრომატევადია. როდესაც ამ საქმეში ხარ, მუდმივად ვითარდები და დროთა განმავლობაში უკვე შენივე დაკვირვებით და გამოცდილებით სწავლობ ახალს.

© photo: courtesy of Ana Ninuaანა ნინუას ნამუშევარი
ყავის მარცვლებით და მაკარონით შექმნილი უნიკალური ნახატები: ანა ნინუას შემოქმედება - Sputnik საქართველო
ანა ნინუას ნამუშევარი

- თქვენი მეგობრები, ოჯახის წევრები როგორ უყურებენ თქვენ გატაცებას?

- ჩემ გარშემო ვინც არის, ყველა გვერდში მიდგას და ყველა მეხმარება, რათა მივაღწიო დასახულ მიზანს. ხელოვანი ადამიანისთვის კი ეს ყველაზე მნიშვნელოვანია.

© photo: courtesy of Ana Ninuaანა ნინუას შემოქმედება
ყავის მარცვლებით და მაკარონით შექმნილი უნიკალური ნახატები: ანა ნინუას შემოქმედება - Sputnik საქართველო
ანა ნინუას შემოქმედება

- როგორია „სახლში დარჩენილი“ ხელოვანის ყოველდღიური ცხოვრება, რა გავლენა იქონია თქვენზე იზოლაციამ?

- გადატვირთული გრაფიკის გამო სახლში სამუშაოდ ძალიან ცოტა დრო მრჩებოდა, ახლა იზოლაციის პერიოდს კი მაქსიმალურად ვიყენებ ჩემი შემოქმედების განვითარებისთვის, ვქმნი ახალ ნამუშევრებს და ვმუშაობ სამომავლო გეგმების განხორციელებისთვის.

 

ყველა ახალი ამბავი
0