წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
2-11 მაისი
2-11 მაისის პერიოდი კუროს ნიშნის მეორე დეკადას განეკუთვნება.
ამ დეკადას მთვარე მფარველობს. ამ პერიოდში მერყევი, მეოცნებე და კეთილშობილი ადამიანები იბადებიან.
მნიშვნელოვანი წლებია: 16, 21, 24, 33, 41, 50, 60 და 64.
ამ დეკადაში დაბადებულთა სიმბოლოა შროშანა. ეს ადამიანები არიან გულუხვი, შრომისმოყვარე, პასუხისმგებლიანი. დარწმუნებული შეგიძლიათ იყოთ, რომ ისინი არ დაგაღალატებენ. მათ სჭირდებათ ხასიათის მეტი სიმტკიცის განვითარება. თუ საკუთარი შეცდომების გააზრებას შეძლებენ, ცხოვრებაში დიდი ძალისხმევის გარეშე მიაღწევენ წარმატებასა და ბედნიერებას.
6 მაისს დაბადებულები
6 მაისს დაბადებულები კეთილშობილი, მტკიცე და ნებისყოფიანი, შრომისმოყვარე და შემოქმედებითი პოტენციალის მქონე ადამიანები არიან. ხშირად მუსიკალური ნიჭით არიან დაჯილდოებული და ამ სფეროში მოღვაწეობენ. ასევე მათი მოღვაწეობის სფეროებია ჟურნალისტიკა და სახვითი ხელოვნება. ბევრს აქვს ორგანიზატორული ნიჭი.
ზოდიაქოს ნიშნების ცხოვრების მთავარი აზრი>>
6 მაისს დაბადებულებს კარგად აქვთ განვითარებული ფანტაზიის, წარმოსახვის, ასევე ქვეცნობიერის წვდომის უნარი. კარგად ხვდებიან, როდესაც მათ გარშემო ვინმეს უჭირს. ამ დროს მათი მხარდამჭერი ხდებიან. მათ აღიქვამენ, როგორც მასწავლებლებს, მრჩევლებს, მზრუნველ მშობლებს. ამ ადამიანების გვერდით გარშემომყოფებს ხვალინდელი დღის შიში არ აქვთ. ამ დღეს დაბადებულებს სიტყვისა და გრძნობის მეშვეობით სხვა ადამიანების თუნდაც ღრმად დამალული ოცნებების გამოხატვა შეუძლიათ. აქ საფრთხეც იმალება — მათ ეს უნარი არავითარ შემთხვევაში არ უნდა გამოიყენონ ადამიანების მანიპულირებისთვის.
იმ შემთხვევაში, თუ ამ დღეს დაბადებულები თავიანთ ნიჭს უმიზნოდ და უტაქტოდ გამოიყენებენ, თავიანთ ახლობლებს სხვადასხვა უსიამოვნებაში ჩაითრევენ. თუ ამ შესაძლებლობებს საკუთარი და ახლობლების ინტერესების გათვალისწინებით გამოიყენებენ, ცხოვრებაში წარმატება ელოდებათ. ჩვეულებრივ, ამ ადამიანებს რთული ბავშვობა აქვთ. ამას ისინი მტკიცედ იტანენ, ეს მათი ხასიათის წრთობას ემსახურება.
ხშირად 6 მაისს დაბადებულებს, როდესაც სხვებს ეხმარებიან, საკუთარი თავი ავიწყდებათ და საკუთარი განცდების მსხვერპლი ხდებიან. არიან მგრძნობიარენი, ამიტომ ტკივილისა და დისკომფორტის გადატანა განსაკუთრებით უჭირთ. ცხოვრებისეული სირთულეებისა და საკუთარი ბედის მუდმივი კონტროლი ამ ადამიანებს პასუხისმგებლიანს ხდის. გარეგნულად მშვიდი ცხოვრებისეული სტილის უკან, შესაძლოა, ყველაზე ღრმა ემოციები იმალებოდეს. გაბედულებისა და სიბრძნის წყალობით ეს ადამიანები საიმედო მეგობრები არიან, განსაკუთრებით, თუ საქმე ემოციებს ეხება. მათ კარგად ესმით სუსტების ფსიქოლოგია, ამიტომ ყოველთვის მათ დასაცავად დგებიან.
ჯანმრთელობა
6 მაისს დაბადებულების ჯანმრთელობისთვის, პირველ რიგში, საშიშია ემოციური სტრესი. ამიტომ ისინი თავის ხელში აყვანას უნდა ეცადონ. ემოციების გაკონტროლებისთვის კარგი საშუალებაა დიეტა ბოსტნეულისა და მარცვლოვანი კულტურების საფუძველზე. მკურნალობისთვის წაადგებათ მცენარეული და ჰომეოპათიური საშუალებები.
რჩევა:
აკონტროლეთ ემოციები. ნურავის მოახვევთ თავს დახმარებას, სჯობს, დაელოდოთ, სანამ ამის შესახებ გთხოვენ. ასევე უარს ნუ იტყვით დახმარებაზე, როცა ეს თქვენ გჭირდებათ. ხშირად გამოიყენეთ ინტუიცია. ბავშვების აღზრდისას ნუ გამოიჩენთ გადამეტებულ მზრუნველობას.
