წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
2-11 მაისი
2-11 მაისის პერიოდი კუროს ნიშნის მეორე დეკადას განეკუთვნება.
ამ დეკადას მთვარე მფარველობს. ამ პერიოდში მერყევი, მეოცნებე და კეთილშობილი ადამიანები იბადებიან.
მნიშვნელოვანი წლებია: 16, 21, 24, 33, 41, 50, 60 და 64.
ამ დეკადაში დაბადებულთა სიმბოლოა შროშანა. ეს ადამიანები არიან გულუხვი, შრომისმოყვარე, პასუხისმგებლიანი. დარწმუნებული შეგიძლიათ იყოთ, რომ ისინი არ დაგაღალატებენ. მათ სჭირდებათ ხასიათის მეტი სიმტკიცის განვითარება. თუ საკუთარი შეცდომების გააზრებას შეძლებენ, ცხოვრებაში დიდი ძალისხმევის გარეშე მიაღწევენ წარმატებასა და ბედნიერებას.
5 მაისს დაბადებულები
5 მაისს დაბადებულები შესანიშნავი ინტუიციითა და ორიგინალობით გამოირჩევიან; აქვთ ანალიზის კარგი უნარი, ამიტომ სხვადასხვა მოვლენის წინასწარ განჭვრეტა შეუძლიათ. ფინანსურ სფეროში კეთილდღეობა მათთვის რთული მისაღწევია, რადგან ამას ოჯახურ ცხოვრებაში წარუმატებლობა უშლის ხელს. თუმცა, ესეც ადამიანზეა დამოკიდებული - თუ მოინდომებენ, ბედნიერების მიღწევას აუცილებლად შეძლებენ.
ვინ იყავით წინა ცხოვრებაში ზოდიაქოს ნიშნის მიხედვით>>
5 მაისს დაბადებულებს „განმანათლებლები“ შეიძლება ვუწოდოთ. უყვართ სხვების სწავლება და კარგი რჩევების მიცემა. ხანდახან ეს გარშემომყოფებს მომაბეზრებლად ეჩვენებათ, მაგრამ საბოლოოდ ისინი ნანობენ, რომ ამ რჩევას ყური არ დაუგდეს.
ამ დღეს დაბადებულებს კარგად განვითარებული ინტელექტი აქვთ, ამიტომ არ იყენებენ სოფისტიკას ან ჰიპოთეტურ აზროვნებას; ყოველთვის ცდილობენ, თავიანთ მოსაზრებებში პრაქტიკას დაეყრდნონ. რადგან ყოველთვის დარწმუნებული არიან საკუთარ სიმართლეში, საკუთარი შეცდომების აღიარება ძალიან უჭირთ, აქედან გამომდინარე, ჯიუტიც არიან. ამ დღეს დაბადებულები არ არიან დიპლომატიურები და ტაქტიანები. ამიტომ მათ ეს თვისებები უნდა განავითარონ, წინააღმდეგ შემთხვევაში ახლობლებთან და გარშემომყოფებთან უსიამოვნებებს ვერ ასცდებიან.
5 მაისს დაბადებულებს არ უყვართ და შეიძლება ითქვას, ტრაგედიად აღიქვამენ, თუ საკუთარი აუდიტორია არ ჰყავთ. ყურადღების მისაქცევად ისინი სრულიად განსხვავებულ ხერხებს მიმართავენ. მათ ყოველთვის შეუძლიათ ხალხს თავიანთი აზრი მიაწოდონ.
ოპტიმისტი ხართ თუ პესიმისტი – ზოდიაქოს ნიშნის მიხედვით>>
5 მაისს დაბადებულები ძალიან მტკივნეულად აღიქვამენ, როდესაც მათ ვინმე კონკურენციას უწევს „განმანათლებლურ“ საქმიანობაში. ამ ბრძოლაში რომ არ წააგონ, თავიანთი მეტოქის მიმართ ღია აგრესია არ უნდა გამოიჩინონ. ამ დღეს დაბადებულები ტოლერანტობით არ გამოირჩევიან; განსაკუთრებით არ უყვართ ადამიანები, რომლებიც არასწორ ცხოვრებისეულ გზას მიჰყვებიან, მაგრამ თუ ეს ადამიანი გამოსწორებას ცდილობს, 5 მაისს დაბადებულები მის მიმართ საოცრად ლოიალური იქნებიან.
ჯანმრთელობა
5 მაისს დაბადებულებმა, ჯანმრთელობის შესანარჩუნებლად, დატვირთვა თანაბრად უნდა გადაანაწილონ მუშაობაზე, სპორტზე, დასვენებაზე, დიეტებზე და ა. შ. თუ მხოლოდ ერთ რამეს მიაქცევენ ყურადღებას, ეს მათ ჯანმრთელობაზე ძალიან ცუდად აისახება. საკვების მხრივ ნოყიერი საჭმელი უყვართ. მათ ზომიერად უნდა მიიღონ ცომეული, ხორცის კერძები, ცხიმიანი პროდუქტები. მართალია, გაუჭირდებათ, მაგრამ სამაგიეროდ, ჯანმრთელობას შეინარჩუნებენ.
რჩევა:
ნუ შეუშინდებით უკან დახევას, პრობლემისგან თავის არიდება ყოველთვის ცუდი გადაწყვეტილება არ არის. ყური უგდეთ მეგობრების რჩევებს და იყავით მათთვის უფრო ერთგული. უფრთხილდით ჯანმრთელობას, გაუზიარეთ გარშემომყოფებს თქვენი არა მარტო წარმატებები, არამედ პრობლემებიც. ეს მოშურნეების რაოდენობას შეამცირებს.
