როცა გიყვარს, შენ შენ არ ხარ, ანუ ქორწილი თბილისურ კარანტინში

© photo: courtesy of Shota NozadzeᲛეფე-პატარძალი ველოსიპედებით
Მეფე-პატარძალი ველოსიპედებით - Sputnik საქართველო
გამოწერა
ახალგაზრდა წყვილის 23-წლიანი სიყვარულის ისტორია კარანტინში ქორწინებით დაგვირგვინდა და შეყვარებულებს ინტერნეტ-სივრცეში უამრავი უცხო ადამიანიც გულშემატკივრობს.

ქალაქის დაცარიელებულ ქუჩებში ადამიანები მაინც პოულობენ გზას - უყვარდეთ და ჰქონდეთ უკეთესი მომავლის იმედი.

...და რა კარგია, რომ ასეთი ამბები ჩვენგან შორს ან მხოლოდ რომანტიკულ ფილმებში კი არა, აქვე, თბილისში, დიღმის მასივში ხდება, სადაც ფატაც ადგილზეა და განწყობაც.

© photo: courtesy of Nika Zhgentiფატა და ველოსიპედები!
როცა გიყვარს, შენ შენ არ ხარ, ანუ ქორწილი თბილისურ კარანტინში - Sputnik საქართველო
ფატა და ველოსიპედები!

საბავშვო ბაღში დაწყებული მეგობრობა და სკოლაში გაგრძელებული სიყვარულის ისტორია კარანტინში ქორწინებით დაგვირგვინდა მაშინ, როცა რამდენიმე დღის წინ ავტომობილებით მოძრაობა აიკრძალა. ახალდაქორწინებულმა, თანამედროვე წყვილმა - 26 წლის ნიკა ჟღენტმა და ქეთევან კვირკველიამ კი თეთრი ცხენით არა, მაგრამ ველოსიპედებით შემოიარეს ქუჩები.

© photo: courtesy of Nika Zhgentiროცა მეგობარი ქორწილში მოწვეული ნათესავიცაა, მეჯვარეც და ფოტოგრაფიც!
როცა გიყვარს, შენ შენ არ ხარ, ანუ ქორწილი თბილისურ კარანტინში - Sputnik საქართველო
როცა მეგობარი ქორწილში მოწვეული ნათესავიცაა, მეჯვარეც და ფოტოგრაფიც!

- დღეს საქართველოში ყველაზე პოპულარული წყვილი ხართ. საიდან დაიწყო თქვენი ისტორია?

პატარძალი - მე და ნიკა ბაღში ერთად დავდიოდით, შემდეგ კლასელები ვიყავით. წელს, 23 თებერვალს, ჩემ დაბადების დღეზე ხელი მთხოვა და მარხვის დასრულების შემდეგ ჯვრისწერას ვაპირებდით. შექმნილმა ვითარებამ ხელი ვერ შეგვიშალა და მარხვის დამთავრებიდან ერთ კვირაში ჯვრისწერა დაიგეგმა.

© photo: courtesy of Nika Zhgentiბაღში ერთად დავდიოდით...
როცა გიყვარს, შენ შენ არ ხარ, ანუ ქორწილი თბილისურ კარანტინში - Sputnik საქართველო
ბაღში ერთად დავდიოდით...

სიძე - ჩვენი ისტორია ბაღში დაიწყო 23 წლის წინ. როცა სკოლა დავამთავრეთ და იმის წინაშე დავდექით, რომ ქეთის სხვა უნივერსიტეტში უნდა ესწავლა და მე სხვაგან, მივხვდი, რომ მეტის გადადება აღარ შეიძლებოდა. ასე რომ, აბიტურიენტობის პერიოდში გამოვუტყდი.

© photo: courtesy of Nika Zhgentiმორიგი ზეიმი ბაღში...
როცა გიყვარს, შენ შენ არ ხარ, ანუ ქორწილი თბილისურ კარანტინში - Sputnik საქართველო
მორიგი ზეიმი ბაღში...

- ველოსიპედებით ქორწილი ვისი იდეა იყო? რამდენი კილომეტრი გაიარეთ?

პატარძალი - ველოსიპედები საგანგებო რეჟიმის გამოცხადებამდე რამდენიმე დღით ადრე ვიყიდეთ. იდეა ხუმრობა-ხუმრობაში ჩამოყალიბდა და ძალიან კარგად განხორციელდა. ჯვრისწერაზე ველოსიპედებით მივედით. ულამაზესი და უბედნიერესი დღეები გვაქვს.

სიძე - შარვალ-კოსტიუმით ერთ დღეში 13 კილომეტრამდე გავიარე. დიდი დიღმიდან დილით მე და თორნიკე (ჩემი მეჯვარე) გამოვედით დიღმის მასივში. ამ დროს 6 კილომეტრი გავიარე და უკვე მისვლას ვაგვიანებდი. არადა, როგორც წესი, პირიქით ხდება ხოლმე, პატარძალი აგვიანებს. მაგ დროს სპორტული ტანსაცმლით ვიყავი. დიღმის მასივში უცებ გამოვიცვალე, კოსტიუმი ჩავიცვი, მოვწესრიგდი, ვნახე ქეთი და დავიწერეთ ჯვარი. შემდეგ ქეთის სურვილი იყო ველოსიპედებით სეირნობა და ამ სეირნობა-სეირნობაში 6-7 კილომეტრი გავიარეთ.

© photo: courtesy of Shota Nozadzeფოტოსესია დიღმის პარკში
როცა გიყვარს, შენ შენ არ ხარ, ანუ ქორწილი თბილისურ კარანტინში - Sputnik საქართველო
ფოტოსესია დიღმის პარკში

- ველოსიპედის ტარება რომ არ გცოდნოდათ, რას მოიფიქრებდით?

პატარძალი - გავეკიდებოდი ფეხით!

სიძე - თუ სხვა ტრანსპორტს ვერ გამოვნახავდი, როგორც აქამდე დავდიოდი ქეთისთან ფეხით, ისე ჩამოვიდოდი უპრობლემოდ. ეს მხოლოდ წვრილმანია...

© photo: courtesy of Shota Nozadzeფოტოსესია დიღმის პარკში
როცა გიყვარს, შენ შენ არ ხარ, ანუ ქორწილი თბილისურ კარანტინში - Sputnik საქართველო
ფოტოსესია დიღმის პარკში

- ფოტოსესია სად გქონდათ?

პატარძალი - დიღმის ტყეში. ფოტო-ვიდეომასალას სოციალურ ქსელშიც ვპოულობთ. ერთ-ერთ ვიდეოში ჩანს, რომ ნიკუშას ველოსიპედით ვასწრებ და სოციალურ ქსელში ხალხმა ბევრი იხუმრა - პატარძალს ძალიან ეჩქარებაო.

სიძე - ველოსიპედებით უფრო შორს ვეღარ წავედით და დიღმის ტყეში გვქონდა ფოტოსესია. ფოტოგრაფი და მემონტაჟეც ჩემი მეჯვარე იყო. „სელფიც“ ბევრი დაგვიგროვდა.

© photo: courtesy of Shota Nozadzeფოტოსესია დიღმის პარკში
როცა გიყვარს, შენ შენ არ ხარ, ანუ ქორწილი თბილისურ კარანტინში - Sputnik საქართველო
ფოტოსესია დიღმის პარკში

- საჩუქრები მიიღეთ ქორწილში?

სიძე - არა. მაყარი გვყავდა ცოტა.

პატარძალი - არა და ამიტომ ყველაფერი რომ ჩაწყნარდება, დიდ ქორწილს აუცილებლად გადავიხდით. ვფიქრობთ სექტემბერში, ან ოქტომბერში. ჩემი ქორწილი ყოველთვის ბუნებრივი და ორიგინალური წარმომედგინა.

© photo: courtesy of Nika Zhgentiროცა ყველაფერი ჩაწყნარდება, დიდ ქორწილს აუცილებლად გადავიხდით!
როცა გიყვარს, შენ შენ არ ხარ, ანუ ქორწილი თბილისურ კარანტინში - Sputnik საქართველო
როცა ყველაფერი ჩაწყნარდება, დიდ ქორწილს აუცილებლად გადავიხდით!

- ინტერნეტ-სივრცეში უკვე ცნობილი სიძე-პატარძალი ხართ. როგორ შეაფასეს თქვენი ქორწილი სოციალურ ქსელებში?

პატარძალი - ხალხი ძალიან გაერთო და ბევრი პოზიტივიც მივიღეთ. ჩვენ ვიდეოებზე სახალისო კომენტარებს წერდნენ - სამებამდე თუ „გაქაჩეს“ მოიყვანს ცოლადო, ბოლოს პატარძალმა მსაჯსაც გადაასწროო, როცა გიყვარს შენ შენ არ ხარო და ასე შემდეგ. ამ რეაქციებზე მე და ნიკუშა ბევრს ვიცინით.

სიძე - ბევრი სასაცილო კომენტარი იყო. ერთი წერდა, ღმერთო ასეც ნუ შემაყვარებო. მეჯვარეზე ბევრი იცინეს - მშობელიც ის არის, მაყარიც, ფოტოგრაფიც და ხელის მომკიდეცო. რეალურად სწორედ ასე იყო.

© photo: courtesy of Nika Zhgentiროცა გიყვარს, შენ შენ არ ხარ!
როცა გიყვარს, შენ შენ არ ხარ, ანუ ქორწილი თბილისურ კარანტინში - Sputnik საქართველო
როცა გიყვარს, შენ შენ არ ხარ!

- პოპულარობის შემდეგ რა შეიცვალა?

სიძე - დღეს, დილით ნაბახუსევზე გავიღვიძე და მაღაზიაში ჩავედი. ძალიან გრძელი რიგი დამხვდა. ალბათ მე-15 ვიყავი. ჩემ წინ ახალგაზრდა ბიჭი იდგა, მიცნო და მეკითება, შენ ის არ ხარ, გუშინ ველოსიპედით რომ დასეირნობდით ნეფე-დედოფალიო? შენ შემოგევლეო და დამითმო თავისი ადგილი. თუ ვიყავი მე-15, გავხდი მე-14 და ასე ამაყად ვიდექი.

პატარძალი - განსაკუთრებული არაფერი შეცვლილა, უბრალოდ ტელეფონის ზარი არ ჩერდება, ჟურნალისტები მირეკავენ, ფატით თუ გავდივარ გარეთ, ხალხი მცნობს. ჩემი მეუღლე დილით ხუმრობით მეუბნებოდა, მომახსენე დღევანდელი გადაღებების განრიგიო.

© photo: courtesy of Nika Zhgentiოცნებების ახდენას გისურვებთ!
როცა გიყვარს, შენ შენ არ ხარ, ანუ ქორწილი თბილისურ კარანტინში - Sputnik საქართველო
ოცნებების ახდენას გისურვებთ!

- „თაფლობის თვეში“ ველოსიპედებით ხომ არ აპირებთ წასვლას?

პატარძალი - ჩვენი ოცნება მალდივებზე წასვლაა. სამწუხაროდ, ველოსიპედებით ვერ გადავცურავთ ზღვას, თორემ სიამოვნებთ. სადამდეც შესაძლებელი იქნება, იქამდე მივალთ ველოსიპედებით.

სიძე - ვფიქრობთ, ვარჯიშს დავიწყებთ, რომ შესაბამისი მანძილის დაფარვა „გავქაჩოთ“. ორადგილიანი ველოსიპედიც კარგი იდეაა. მთავარია ერთმანეთი გვიყვარს.

ასეა, სიყვარული ყოველთვის იმარჯვებს და შეყვარებული ადამიანისთვის სირთულე არ არსებობს. მთავარი მისი არსებობა და პრობლემის კრეატიული გადაჭრაა...

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური