თბილისი, 28 მარტი - Sputnik. გასული დღე-ღამის განმავლობაში აზერბაიჯანში კორონავირუსით ინფიცირების 39 ახალი შემთხვევა დაფიქსირდა, იუწყება „Sputnik-აზერბაიჯანი“.
აღსანიშნავია, რომ კიდევ 59 ადამიანი გამოჯანმრთელდა და გაეწერა კლინიკებიდან.
ამგვარად, თებერვლის ბოლოდან, როდესაც აზერბაიჯანში კორონავირუსით ინფიცირების პირველი შემთხვევა გამოვლინდა, COVID-19-ით 1717 ადამიანი დაინფიცირდა. აქედან 1221 ადამიანი გამოჯანმრთელდა და გაეწერა კლინიკებიდან. ქრონიკული დაავადებებით გამოწვეული გართულებებისგან 22 ადამიანი გარდაიცვალა.
ამჟამად სპეციალიზებულ სამედიცინო დაწესებულებებში კორონავირუსისგან მკურნალობს 474 ადამიანი. მათგან 15-ის მდგომარეობას ექიმები აფასებენ როგორც კრიტიკულს, 22-ის მდგომარეობა ზომიერია, ხოლო დანარჩენი პაციენტების მდგომარეობა სტაბილურია, ნათქვამია ოპერატიული შტაბის ინფორმაციაში.
განვლილ პერიოდში აზერბაიჯანში კორონავირუსის გამოსავლენად 132 640 ტესტი ჩატარდა.
