წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
21 აპრილი – 1 მაისი
21 აპრილი – 1 მაისის პერიოდი კუროს ნიშნის პირველ დეკადას განეკუთვნება.
ამ დეკადას პლანეტა მერკური მართავს. ის ამ პერიოდში დაბადებულებს არაორდინარული აზროვნებითა და მაღალი კლასის ორგანიზატორული უნარებით აჯილდოებს.
მნიშვნელოვანი წლებია: 16, 24, 30, 33, 39, 45, 51, 57.
ამ ადამიანთა სიმბოლოა გეორგინა.
ამ პერიოდში დაბადებულებს ნაჩქარევი გადაწყვეტილებების მიღება უყვართ, დაუფიქრებლად მოქმედება სჩვევიათ. მათ თითოეულ საკითხზე კარგად დაფიქრება, შემდგომი ნაბიჯების გათვლა, ყოველის სიტყვის აწონ–დაწონა მართებთ. ამის შედეგად მათი ცხოვრება სიხარულითა და ბედნიერებით იქნება აღსავსე.
25 აპრილს დაბადებულები
25 აპრილს იბადებიან ყველაზე არაპროგნოზირებადი ხასიათის ადამიანები, გამოირჩევიან დიდი შესაძლებლობებითა და ნიჭით. მათთვის ყველაზე მნიშვნელოვანია თვითშეფასების ამაღლება, საკუთარი თავისა და ნიჭის რწმენა.
ამ დღეს დაბადებულებს არაორდინარული ქცევით გამოარჩევთ. ისინი საზოგადოებაში ყოველთვის ყურადღების ცენტრში არიან. იმდენად დინამიკური და მობილური არიან სამუშაო გარემოში, რომ თავიანთი იდეებით, აზრებით მუხტავენ მთელ კოლექტივს. მათ თავდაჯერებულობასა და ენერგიულობას საზღვრები არ აქვს.
ვინ გადარჩება უკაცრიელ კუნძულზე - ზოდიაქოს „რობინზონ კრუზო" ნიშნების რეიტინგი>>
მათი ხასიათის ძლიერი მხარეა ლოგიკური, მკაფიო მსჯელობა. ახასიათებთ პირდაპირობა და ამის გამო ხშირად შეიძლება გაანაწყენონ ახლობლები, ბავშვებიც კი. ამიტომ უნდა ისწავლონ და მეტი სითბო გამოამჟღავნონ საყვარელი ადამიანების მიმართ.
ძალიან უყვართ მოგზაურობა. ამ ადამიანების არყოფნა სამსახურსა თუ სახლში მაშინვე ყველას თვალში ხვდება, რადგან ამ დღეს დაბადებულებს გააჩნიათ გარკვეული მაგნეტიზმი.
მათ ნაკლებად აინტერესებთ შორეული მომავალი, უფრო მეტად აინტერესებთ ამ მომენტში მიმდინარე მოვლენები. ისინი ყველაფერს პრაგმატულად უყურებენ. ამ დღეს დაბადებულები უფრო მეტად პრაქტიკოსები არიან, ვიდრე თეორეტიკოსები. ისინი თითოეული აზრის, იდეის ხორცშესხმას, ბოლომდე მიყვანას ცდილობენ. ვერ იტანენ, როცა ადამიანები ტყუილს ლაპარაკობენ, ამიტომ ახლობლებს ძალიან ფრთხილად არჩევენ.
როგორია თქვენი ბოსი? ხელმძღვანელის პლუსები და მინუსები ზოდიაქოს ნიშნის მიხედვით>>
25 აპრილს დაბადებულები რომ არჩევნის წინაშე დადგნენ – ოჯახი თუ კარიერა, ისინი კარიერას აირჩევენ; თუმცა, არის გამონაკლისებიც. თავიანთი ახლობლებისთვის მათ ბევრი რამის გაღება შეუძლიათ მსხვერპლად.
ჯანმრთელობა
ამ დღეს დაბადებულებს უყვართ სპორტი, ხშირად მისდევენ მას, ან, უბრალოდ, ცხოვრების ჯანსაღ წესს. მათ უარი უნდა თქვან მავნე ჩვევებზე (თამბაქო, ალკოჰოლი), რათა არ გადატვირთონ გული. ასევე მათი შედარებით სუსტი წერტილებია საჭმლის მომნელებელი და საყრდენ–მამოძრავებელი სისტემები. კვების მხრივ, ყურადღებით უნდა შეარჩიონ საკვები, რაციონი უნდა გაამდიდრონ Е და В ვიტამინების შემცველი პროდუქტებით, გააკონტოლონ სისხლში ქოლესტერინის დონე.
რჩევა:
ნუ იქნებით ძალზე ეჭვიანი ადამიანებთან ურთიერთობებისას. ეცადეთ, გარშემომყოფებთან შეაკავოთ თქვენი ემოციები. მეტი გაგებით მოეკიდეთ სხვების აზრსა და საქციელს.
