თბილისი, 21 აპრილი — Sputnik. პოლიციის თანამშრომელს, რომელმაც ორშაბათს საღამოს აივნიდან ისროლა და შემთხვევით მოკლა ქალი, ბრალდება განზრახ მკვლელობის მუხლით წარუდგინეს, ნათქვამია გენერალური პროკურატურის ვებგვერდზე გავრცელებულ განცხადებაში.
საქმეზე ჩატარებული გამოძიებით დაგინდა, რომ პოლიციელი იყო არაფხიზელ მდგომარეობაში, როდესაც თავისი აივნიდან განახორციელა რამდენიმე გასროლა საცხოვრებელი კორპუსების მიმართულებით. სროლის შედეგად დაიღუპა ქალი, რომელიც თავის ბინაში იმყოფებოდა. მას ტყვია თავში მოხვდა.
თუმცა უკვე მეორე დღეს პროკურატურამ დაადგინა, რომ პოლიციელმა თავისი კუთვნილი „ვიკინგის“ მოდელის ცეცხლსასროლი იარაღიდან 13 გასროლა განახორციელა. ბრალდებული იმ მომენტში სახლში მარტო იმყოფებოდა.
პოლიციის თანამშრომელს განზრახ მკვლელობისთვის 7-დან 15 წლამდე პატიმრობა ემუქრება. პროკურატურა სასამართლოს ბრალდებულისთვის აღკვეთის ღონისძიების სახით პატიმრობის შეფარდების მოთხოვნით მიმართავს.
