თბილისი, 18 აპრილი - Sputnik. რუსეთში გასულ დღე-ღამეში COVID-19-ით ინფიცირებულთა რიცხვი 4785-ით გაიზარდა, 40 პაციენტი გარდაიცვალა, 467 - გამოჯანმრთელდა, იუწყება РИА Новости ვირუსის გავრცელების წინააღმდეგ ოპერატიულ შტაბზე დაყრდნობით.
ინფიცირების ახალი შემთხვევები დაფიქსირდა 79 რეგიონში. ყველაზე მეტი შემთხვევა მოსკოვშია - 2649, კიდევ 428 - მოსკოვის ოლქში, 139 - სანქტ-პეტერბურგში.
ამგვარად, ეპიდემიის დაწყებიდან დაავადებულთა რაოდენობა გაიზარდა 36 793-მდე. 24 საათში ზრდამ 15% შეადგინა. სულ გარდაიცვალა 313 ადამიანი, გამოჯანმრთელდა 3057 პაციენტი.
მოსკოვში ახალი პაციენტების თითქმის ნახევარი (45%) – 18-დან 45 წლამდე ასაკის ადამიანებია. კიდევ 13,5% - 65 წელს ზემოდ ასაკის, აქედან 4% - 80 წელს გადაცილებულები. ინფიცირებულების 6,5% ბავშვებია.
