Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

საქართველოში პნევმონიის შემთხვევების მნიშვნელოვანი მატება არ შეიმჩნევა

გამოწერა
НовостиTelegram
ტიკარაძის განცხადებით, 60 წელს ზემოთ ასაკის პირთა და ქრონიკული დაავადებების მქონე მოქალაქეების პნევმოკოკის ვაქცინით აცრა ეფექტური საშუალება იქნება იმისთვის, რომ მოხდეს გართულების თავიდან აცილება.

 

თბილისი,  13 აპრილი  — Sputnik.  დღეისთვის ქვეყანაში პნევმონით დაავადებულთა მნიშვნელოვანი მატება არ შეიმჩნევა, განაცხადა საქართველოს ჯანდაცვის მინისტრმა ეკატერინე ტიკარაძემ ბრიფინგზე.

ამ ეტაპზე ჯანდაცვის უწყება არ გეგმავს პნევმონიის მქონე პირთა იმ ჯგუფში შეყვანას, რომელთა ტესტირებაც პირველ რიგში არის გათვალისწინებული. ტიკარაძის სიტყვებით, უკვე ერთი თვეა ყოველდღიურ რეჟიმში მიმდინარეობს პნევმონიის შემთხვევების სტატისტიკაზე დაკვირვება. 

პოლიციელები და მედიკოსები რეგიონებში მოსახლეობას ტემპერატურაზე ამოწმებენ - Sputnik საქართველო
კორონავირუსით ინფიცირების ახალი შემთხვევების უმეტესობა აჭარას უკავშირდება

 „ამ ეტაპისთვის ამის საჭიროება არ არსებობს, თუმცა, დაავადების მონიტორიგისა და კონტროლის გარკვეული გამკაცრება იგეგმება.  შემდეგ უკვე გადავწყვეტთ, თუ როგორი მეთოდით გავაგრძელებთ ტესტირებას კოვიდზე“,- განაცხადა ტიკარაძემ.

ტიკარაძემ ასევე აღნიშნა, რომ 60 წელს ზემოთ ასაკის პირთა და ქრონიკული დაავადებების მქონე მოქალაქეების პნევმოკოკის ვაქცინით აცრა ეფექტური საშუალება იქნება იმისთვის, რომ მოხდეს გართულების თავიდან აცილება.

 „ეს აცრა მართლა ეფექტური იქნება იმისთვის, რომ გართულებები ავიცილოთ თავიდან. ამ აცრასთან დაკავშირებით არსებობს არაერთი სამეცნიერო ნაშრომი და დადასტურება, რომ იგი ეფექტურია. ძალიან ბევრი მოწინავე ქვეყანა საკუთარი მოსახლეობისთვის ამ აცრებს მიმართავს“, – განაცხადა ტიკარაძემ და დასძინა, რომ საქართველო ამ პროექტზე მუშაობს.

ამასთან, ჯანდაცვის მინისტრმა აღნიშნა, რომ ინფექციის სწორი მართვა და კონტროლი ყველა კლინიკის ვალდებულებაა და ეს ეხება არამარტო კორონავირუსს.

ტიკარაძის სიტყვებით, ბოლო ექვსი თვის განმავლობაში ქვეყნის ყველა კლინიკის შესაძლებლობების შესწავლა და დეტალური მონიტორინგი მიმდინარეობს. მათ უკვე მიიღეს კონკრეტული მითითებები, რომლებიც აუცილებლად უნდა იყოს  გათვალისწინებული.

საქართველოში კორონავირუსით ინფიცირებულთა რაოდენობა 266–მდე გაიზარდა. გამოჯანმრთელებულია 67, გარდაცვლილია სამი. კარანტინში იმყოფება 4 890, სტაციონარში მკურნალობს 439.

ყველა ახალი ამბავი
0