Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

თბილისში, რუსთავსა და გორში დროებითი სანოტარო ბიუროები გაიხსნა

© Government of Georgiaთეა წულუკიანი
თეა წულუკიანი - Sputnik საქართველო
გამოწერა
კორონავირუსის გავრცელების პრევენციის მიზნით 30 მარტიდან საქართველოს ტერიტორიაზე მოქმედი ყველა სანოტარო ბიურო დაიხურა. 

თბილისი, 10 აპრილი - Sputnik. დღეს დილით გორში, რუსთავსა და თბილისში (წერეთლის გამზირზე) სამი ახალი, დროებითი სანოტარო ბიურო გაიხსნა, განაცხადა იუსტიციის მინისტრმა თეა წულუკიანმა.

იუსტიციის მინისტრის თქმით, სანოტარო ბიუროების რიცხვი შეიძლება გაიზარდოს.

იუსტიციის სახლი - Sputnik საქართველო
იუსტიციის სამინისტრომ დაბადებისა და გარდაცვალების მოწმობების გაცემა განაახლა

„ჩვენ დაავადებათა კონტროლის ცენტრის რეკომენდაციებს გვერდს ვერ ავუვლით და მათი მკაცრი რეკომენდაციაა, რომ სანოტარო ბიუროებმა თავიანთ ტერიტორიაზე არ დაუშვან მოქალაქეები, თუ წინასწარი თერმოსკრინინგი არ ჩატარდება... როგორც კი ნოტარიუსთა პალატა შესაბამის აღჭურვილობას შესაბამისი ოდენობით შეიძენს, ასეთ შემთხვევაში უფრო მეტი სანოტარო ბიურო განაახლებს ფუნქციონირებას“, - აღნიშნა წულუკიანმა.

წულუკიანის განცხადებით, აღსრულების ეროვნულმა ბიურომ და ეროვნულმა არქივმა დისტანციურ რეჟიმში განაახლა საქმიანობა.

„6 აპრილიდან სრულად დისტანციურ რეჟიმში აღსრულების ეროვნულმა ბიურომ განაახლა საქმიანობა. შემდეგ ეროვნულმა არქივმა რვა ყველაზე მოხმარებადი და მოთხოვნადი სერვისის გაცემა დაიწყო. დღეს ამ სერვისებს დაემატა კიდევ ოთხი სხვა სერვისი, რაც ნიშნავს იმას, რომ პრაქტიკულად ეროვნული არქივის საჯარო სერვისები არის სრულად დისტანციურად ხელმისაწვდომი“, - განაცხადა იუსტიციის მინისტრმა.

იუსტიციის სახლები, სანოტარო ბიუროები და რეესტრები მუშაობის საგანგებო რეჟიმზე გადადიან>>

10 აპრილის მონაცემებით, საქართველოში COVID-19-ით ინფიცირებულთა რაოდენობამ 230-ს მიაღწია, გამოჯანმრთელდა 54, გარდაიცვალა 3. კარანტინში იმყოფება 4908 ადამიანი, სტაციონარებში მეთვალყურეობის ქვეშ 429 პაციენტია.

კორონავირუსის გავრცელების პრევენციის მიზნით, საქართველოს მთავრობამ  21 მარტიდან 21 აპრილამდე ქვეყნის მთელ ტერიტორიაზე საგანგებო მდგომარეობა გამოაცხადა. 31 მარტიდან კი საკარანტინო რეჟიმი ამოქმედდა.

ყველა ახალი ამბავი
0