ბაროკოს მუსიკის ფესტივალი თბილისში ონლაინ-კონცერტებზე გეპატიჟებათ

© photo: courtesy of Sinfonietta Stageბაროკოს მუსიკის კონცერტი
ბაროკოს მუსიკის კონცერტი - Sputnik საქართველო
გამოწერა
НовостиTelegram
სხვადასხვა ქვეყნის ბაროკოს ეპოქის მუსიკის საუკეთესო შემსრულებლები პირდაპირ თქვენს სახლში დაუკრავენ

თბილისი, 4 აპრილი - Sputnik. ბაროკოს ეპოქის მუსიკის თბილისის ფესტივალი კლასიკური მუსიკის ვარსკვლავების ონლაინ-კონცერტის ნახვას თავის ოფიციალურ YouTube-არხზე გთავაზობთ.

უახლოესი კონცერტი გაიმართება კვირას, 5 აპრილს. ეს იქნება იტალიური და გერმანული ბაროკოს საღამო. წარდგებიან იტალიელი ფაგოტისტი სერჯიო აზოლინი და გერმანელი მევიოლინე კრისტინ ბუში.

ბოროდინის კვარტეტი - Sputnik საქართველო
თბილისის კონსერვატორია მსმენელს ბოროდინის სახელობის კვარტეტის ონლაინ–კონცერტზე იწვევს

შემდგომში დაგეგმილია მოცარტის „რეკვიემის“ კონცერტის ონლაინ-ტრანსლაცია. ის მიეძღვნება თბილისში 1989 წლის 9 აპრილს მიტინგის დაშლისას დაღუპულებს. რაც შეეხება ფესტივალის ბოლო დღეს, 12 აპრილს ორგანიზატორები მაყურებელს მუსიკალურ-ქორეოგრაფიული წარმოდგენის ტრანსლაციას პირდებიან.

ყველა კონცერტი თბილისის დროით 19:00 საათზე დაიწყება.

ბაროკოს ყოველწლიური ფესტივალი 2015 წელს დააფუძნა თბილისის სახელმწიფო კამერულმა ორკესტრმა „საქართველოს სიმფონიეტა", კულტურის სამინისტროს მხარდაჭერით.

სხვადასხვა წლებში ფესტივალის სტუმრები იყვნენ ბაროკოს მუსიკის საუკეთესო შემსრულებლები: ესპანელი გამბისტი, დირიჟორი, ჟორდი სავალი, იტალიელი ფაგოტისტი სერჯიო აზოლინი და ვიოლონჩელისტი დავიდ ამადიო, გერმანელი მევიოლინე კრისტინ ბუში, ფრანგი კლავესინისტი ჟან რონდო, „ძველი მუსიკის ბერლინის აკადემიის“ ორკესტრი და სხვ.

ყველა ახალი ამბავი
0