ფოთის პორტი ღრმაწყლოვანი ანაკლიის აშენებამდე გახდება

ფოთის პორტის მშენებლობის ნებართვის მოპოვების მეორე ეტაპი პროექტის გარემოზე ზემოქმედების შესწავლა გახდება

თბილისი, 28 მარტი - Sputnik. ფოთის პორტის მფლობელმა კომპანია APM Terminals Poti-მ მიწათსარგებლობის ნებართვა მიიღო, რაც ღრმაწყლოვანი ნავსადგურის მშენებლობის ნებართვის მოპოვების სამსაფეხურიანი პროცედურის საწყის ეტაპს წარმოადგენს, ნათქვამია კომპანიის ოფიციალურ განცხადებაში.

კომპანიას ფოთის ნავსადგურის გაფართოება სურს, რათა საქართველოს გააჩნდეს თანამედროვე ლოგისტიკური კარიბჭე, რომელიც Panamax-ის ტიპის გემებს მოემსახურება.

საპორტო ამწეები - Sputnik საქართველო
ნებართვის მიღების პროცედურა დაწყებულია: როდის გახდება ფოთის პორტი ღრმაწყლოვანი?

„ეს მხოლოდ პროცესის დასაწყისია. მისი შემდეგი (მეორე) საფეხურია პროექტის გარემოზე ზემოქმედების შესწავლა და პროექტის დეტალური დოკუმენტაციის შემუშავება, რაც ასევე მოითხოვს ქვეყნის მთავრობასთან მჭიდრო თანამშრომლობას, რათა პროექტი ვადების დაცვით განხორციელდეს“, - ნათქვამია განცხადებაში.

დასკვნითი ეტაპია - მშენებლობის ოპტიმალური გზების მოძიება და ექსპლუატაციის ეტაპზე გადასვლა, ლოგისტიკური კომპანიების და ტვირთების მიწოდების ჯაჭვის სასარგებლოდ.

„ეროვნულ და საერთაშირისო დონეზე არსებული კრიზისის ფონზე, ძალზედ დადებითი და იმედისმომცემი ფაქტია, რომ მთავრობა შეუქცევადად უჭერს მხარს ფოთის საზღვაო ნავსადგურის გაფართოებას და მის როლს ქვეყნისა და რეგიონის ეკონომიკების განვითარებაში. არსებულმა მსოფლიო მასშტაბის პანდემიამ შესაძლოა, შეაფერხოს სამუშაო ძალისა და ტექნიკის მობილიზება და ამიტომ, ერთობლივად უნდა ვიმუშაოთ რაც შეიძლება დაჩქარებული ტემპებით“, - განაცხადეს კომპანიაში.

პორტის გაფართოების პროექტი

APM Terminals Poti პროექტის განხორციელებას 24-30 თვეში გეგმავს. ის ორი ფაზისგან შედგება.

ანაკლია - Sputnik საქართველო
საქართველოს ანაკლიის პროექტისთვის ახალი ინვესტორის მოძიებაში EBRD დაეხმარება

პირველი ფაზა 1,7 ათასი მეტრი სიგრძის მოლის მშენებლობასა და ასევე 400 მ სიგრძისა და 13,5 მ სიღრმის მრავალფუნქციური ნავმისადგომის მოწყობას ითვალისწინებს. ეს პორტს 9 ათას TEU–მდე წყალტევადობის ხომალდების მიღების  და დამატებით 150 ათას TEU-მდე მოცულობის ტვირთების გადამუშავების საშუალებას მისცემს.

მეორე ფაზა 300 მეტრიანი საკონტეინერო ნავმისადგომის მშენებლობას მოიაზრებს, სადაც სამი ამწე იქნება განთავსებული და რაც წლიურ ტვირგამტარობას 1 მლნ TEU–მდე გაზრდის.

კომპანია მშრალი ტვირთების ოპერირებას გეგმავს. ეს იქნება რკინის ჯართი მთელი რეგიონიდან, სასუქი, ასევე მარცვლეული აზერბაიჯანიდან, თურქმენეთიდან და ყაზახეთიდან.

კორონავირუსის პანდემიის დროს ინვესტიციები განსაკუთრებით მნიშვნელოვანია

ეკონომიკის მინისტრ ნათია თურნავას თქმით, მთავრობა მიესალმება ყველა მსხვილ საინვესტიციო პროექტს, განსაკუთრებით ახლა, როდესაც ფასეულია თითოეული ახალი ინვესტიცია და თითოეული დასაქმებული ადამიანი.

გარდაბნის თბოელექტროსადგური 2 - Sputnik საქართველო
საქართველო სულ უფრო მეტ ინვესტორს იზიდავს

„მისასალმებელია, რომ მსოფლიოში კორონავირუსის პანდემიით გამოწვეული მწვავე ეკონომიკური კრიზისის ფონზე, APM Terminals-ი კვლავაც მტკიცედ ინარჩუნებს საქართველოში მასშტაბური – 300 მილიონ დოლარზე მეტი ინვესტიციის განხორციელების, ფოთის პორტის გაფართოებისა და ახალი სიმძლავრეების აშენების სურვილს“, განუცხადა თურნავამ ჟურნალისტებს.

თურნავას შეფასებით, ეს არის პრაქტიკულად დამატებით 10 მილიონი ტონა გამტარუნარიანობის საპორტო ინფრასტრუქტურა და 1000-მდე დასაქმებული ადამიანი, რაც მისი თქმით, განსაკუთრებით დღეს, კორონავირუსის გამოწვევის წინაშე მდგარი ქვეყნისთვის უკიდურესად მნიშვნელოვანია.

„კომპანიის მიერ წარმოდგენილი დოკუმენტების დეტალური შესწავლისა და ექსპერტიზის შემდეგ, ჩვენ გავეცით პირველი ეტაპის მიწათსარგებლობის ნებართვა ამ პროექტზე. რა თქმა უნდა, ეს არ არის საბოლოო ნებართვა და წინ კომპლექსური პროცესია გასავლელი – დასაზუსტებელია პროექტის დეტალები, სტრუქტურა, მოსამზადებელია გარემოზე ზემოქმედების შეფასება, მაგრამ ძალიან დიდი იმედი გვაქვს, რომ ეს პროექტი დროულად განხორციელდება და რაც მთავარია, დასაქმდებიან ადამიანები“, – განაცხადა ნათია თურნავამ.

ანაკლია მაინც პრიორიტეტში რჩება

თურნავას თქმით, საქართველოს მთავრობას დიდი გეგმები აქვს შავიზღვისპირეთში, მათ შორის ნომერ პირველი პრიორიტეტი არის ანაკლიის ღრმაწყლოვანი პორტის აშენება.

ამ პროექტს ხელისუფლება ყოველთვის სტრატეგიულად მნიშვნელოვანს უწოდებს. მისი მშენებლობის ნებართვა ქვეყნის სატრანზიტო პოტენციალის გასაზრდელად და ჩასართავად პროექტში „ახალი აბრეშუმის გზის“, რომელმაც აღმოსავლეთი და დასავლეთი უნდა დააკავშიროს.

ამ მომენტისათვის ყველა სამშენებლო სამუშაოები შეჩერებულია. საქართველოს მთავრობამ „ანაკლიის განვითარების კონსორციუმთან“ შეთანხმების საბოლოო გაწყვეტის შესახებ განაცხადა.  

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური俄罗斯卫星通讯社中文(简体)ჩინური (გამარტ.)俄罗斯卫星通讯社中文(繁体)ჩინური (ტრად.)
სამხრეთი ამერიკა
BrasilPortuguêsპორტუგალიური