თბილისი, 17 მარტი – Sputnik. ავტოიმპორტიორებს 2020 წლის 1 აპრილამდე შემოყვანილი ავტომობილების განბაჟების ვადა გაუხანგრძლივდებათ, იუწყება საქართველოს ფინანსთა სამინისტრო.
უწყების ცნობით, შეღავათი შეეხება ნებისმიერ ავტომობილს, რომელიც საქართველოს ტერიტორიაზე შემოვა 1 აპრილის მდგომარეობით.
იმპორტიორები მათ განბაჟებას შეძლებენ ნებისმიერ დროს 1 სექტემბრამდე და სანქციები არ დაეკისრებათ.
შეღავათი შეეხება დაახლოებით 38 ათასამდე მანქანის მფლობელს და გადავადებული გადასახადების ოდენობა შეადგენს 50 მილიონ ლარს.
ავტომობილების იმპორტიორებისთვის შეღავათების დაწესების გადაწყვეტილება კორონავირუსის გავრცელების პრევენციის მიზნით შექმნილმა უწყებათშორისმა საკოორდინაციო საბჭომ მიიღო.
ტურიზმთან დაკავშირებულ სუბიექტებს 4 თვის საშემოსავლო და ქონების გადასახადი გადაუვადდათ>>
17 მარტის მდგომარეობით, საქართველოში კორონავირუსის 34 შემთხვევა დადასტურდა. კარანტინის რეჟიმშია 1008 ადამიანი, სტაციონარში მეთვალყურეობის ქვეშ 64 პაციენტია.
