წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
11-20 მარტი
11-20 მარტის პერიოდი თევზების ნიშნის მესამე დეკადას განეკუთვნება.
დეკადას მეომარი მარსი მართავს. ის ამ პერიოდში დაბადებულებს სიმამაცესა და კომუნიკაბელურობას ანიჭებს. ამ ადამიანებს შეუძლიათ თავის მომგებიანად წარმოდგენა, არიან თავაზიანი და უყვართ გარშემომყოფებისთვის თვალში ნაცრის შეყრა.
მნიშვნელოვანი წლებია: 12,15, 24, 30, 36, 45, 48, 60,72.
ამ ადამიანთა სიმბოლოა შროშანი
13 მარტს დაბადებულები
13 მარტს ორიგინალური, ანალიტიკური გონების ადამიანები იბადებიან. ისინი ენამოსწრებული, ინტელექტუალები არიან. თუ სწორად გამოიყენებენ ამ პოტენციალს და მას სიკეთისკენ მიმართავენ, ბედნიერი ცხოვრება ექნებათ. მათთვის არ არის რეკომენდებული ადრეული ქორწინება. დაბადებიდან მორცხვნი არიან, ამიტომ უნდა გამოიმუშავონ მეტი სიმტკიცე და ისწავლონ დამოუკიდებლობა.
13 მარტს დაბადებულების ცხოვრებას შეიძლება საბედისწერო ვუწოდოთ. თუ გადავხედავთ მათ ცხოვრებას, შევნიშნავთ, რომ ის ასეთი რამდენიმე შემთხვევითი მოვლენის წყალობით გახდა. ამ დღეს დაბადებულების უმრავლესობა ფატალისტია და ბედით განსაზღვრულ დინებას მიჰყვება, მათ უყვართ მოვლენების პროგნოზი როგორც მსოფლიო მასშტაბით, ისე სხვა ადამიანების ცხოვრებაში; ხშირად ამაში წინასწარმეტყველების მარცვალიც იმალება. არიან რა ინტელექტუალები, ხშირად იტაცებთ ფილოსოფია, სულიერი ძიებანი, თეორიული ვარაუდები, მეცნიერული, ანალიტიკური სისტემები. მათთვის ადამიანის გონება უფრო რთული და მრავალმხრივია, ვიდრე მთელი სამყარო.
ზოდიაქოს ნიშნები, რომლებსაც ერთი ნახვით უყვარდებათ>>
ამ დღეს დაბადებულებში ჩადებულია კატასტროფების გადალახვის უნარი ნებისმიერ სფეროში, იქნება ეს ეკონომიკური, ფიზიკური თუ ფსიქოლოგიური. და ამ მხრივ უფრო მამაკაცები გამოირჩევიან, ვიდრე ქალები. თავიანთი ფატალიზმის წყალობით ისინი თავიანთ თავზე იღებენ ბედის დარტყმებს. ხანდახან ისეც ხდება, რომ არ იციან, რაოდენ ნიჭიერნი, სულით მტკიცენი არიან და რომელიმე ნიჭსა და ამ სულიერ სიმტკიცეს გაუცნობიერებლად რაიმე საქმეში ამჟღავნებენ. ასე იქცევა ხოლმე უსიამოვნებები მათთვის შინაგანი პოტენციალის აღმოჩენის მიზეზად.
სირთულეები ამ დღეს დაბადებულების შინაგან სამყაროს ხსნის, ისინი სწავლობენ საკუთარ პიროვნებასა და თავიანთ დანიშნულებას. მათთვის ძალზე დიდი მნიშვნელობა აქვს თვითრეალიზაციას, ხოლო შემოქმედებითი გამარჯვებები აძლიერებს განვითარების სურვილს. მიუხედავად იმისა, რომ ხანდახან გაუცნობიერებლად ირჩევენ საშიშ და ფათერაკებით სავსე გზას. მათი მოქმედებები დეტალურად არის დაგეგმილი. ისინი მიისწრაფვიან, რომ მათი საქციელი შთაგონების წყარო გახდეს სხვებისთვის, იპოვონ მსმენელი, რომელთათვის მათი სიტყვები სასარგებლო აღმოჩნდება.
ზოდიაქოს ნიშნები დედამთილის ამპლუაში>>
13 მარტს დაბადებულებმა თავი უნდა შეიკავონ წინასწარმეტყველებისგან, განსაკუთრებით ახლობელ ადამიანებთან მიმართებით, რადგან, ნებსით თუ უნებლიეთ, შეიძლება მომავალ მოვლენებზე გავლენა მოახდინონ.
ჯანმრთელობა
13 მარტს დაბადებულები ხშირად გადაეყრებიან ხოლმე ხიფათს, ამიტომ უნდა უფრთხილდნენ კიდურებს, განსაუთრებით ფეხებს. მათთვის რეკომენდებულია ზომიერი დატვირთვა, რეგულარული ფიზიკური სავარჯიშოები, სეირნობა, ცეკვები, იოგა, ცურვა. საკვებიდან მეტი უნდა მიიღონ ბურღულეული, ბოსტნეული, ხილი, თხილი და კაკალი. პრობლემების თავიდან ასარიდებლად ხშირად უნდა მიიღონ ექეიმისგან კონსულტაცია და ასევე მიმართონ ჰომეოპათიურ საშუალებებს.
რჩევა:
ნუ იქნებით ძალიან მომთხოვნი და სერიოზული საუთარ თავთან დამოკიდებულებაში. აღიარეთ, რომ ყოველთვის და ყველაფერი არ გეცოდინებათ. ისწავლეთ დამოუკიდებლად მოქმედება, გადაწყვეტილებების მიღება – ეს ცხოვრებაში მეტ შანსს მოგცემთ.
