თბილისი, 11 მარტი — Sputnik. აჭარაში, ხელვაჩაურის მუნიციპალიტეტის სოფელი ზედე ჯოჭოში შერეული ტყის ქვედა საფარი იწვის, იუწყება შინაგან საქმეთა სამინისტროს საგანგებო სიტუაციების მართვის სამსახური.
ხანძართან ბრძოლა გრძელდება: საქართველოს რამდენიმე რეგიონში ცეცხლი ჩამქრალია>>
უწყების ცნობით, ადგილზე მობილიზებულია 50-მდე მეხანძრე-მაშველი და 4 სახანძრო-სამაშველო ტექნიკა.
სამსახურის ინფორმაციით, ამ დროისთვის ხანძრები ლიკვიდირებულია:
- სამეგრელოში - წალენჯიხის მუნიციპალიტეტი სოფელები ზღვაია, ნაკუფუ.
- ზუგდიდის მუნიციპალიტეტში: ზემო ეწერი, ჩხოროწყუს 7 სოფელი, მარტვილში სოფელი ლესიჭინე.
- გურია-ოზურგეთის მუნიციპალიტეტში: სოფელი ვაკიჯვარი. ასევე ცეცხლი ლიკვიდაცირებულია სოფელ მამათში.
- აჭარაში - ქობულეთი.
- იმერეთში - ხონი, ტყიბული, კოპიტნარი და საჩხერე.
- კახეთში - გომბორის უღელტეხილზე
ხანძარი ლოკალიზებულია, ღია კერები აღარ არის და კონტროლს ექვედებარება: სამეგრელო- წალენჯიხის მუნიციპალიტეტი სოფელი ჩქვალერი. გურია- ოზურგეთის მუნიციპალიტეტი სოფელი გომი. რაჭა-ამბროლაურის მუნიციპალიტეტის სოფელი კრიხი. ონის მუნიციპალიტეტის სოფელი ძეგლევი. ქვემო ქართლის - დედოფლისწყარო.
ბოლო 4 დღეში, მთელი საქართველოს მასშტაბის მობილიზებული იყო 1000 მეხანძრე-მაშველი, ათობით სახანძრო-სამაშველო ტექნიკა, სასაზღვრო პოლიციის 4 ვერტმფრენი, რომლებმაც ჯამში 318 დასხმა განახორციელეს.
ცალკეულ შემთხვევებში მეხანძრე-მაშველებს ეხმარებოდნენ მოხალისეები, ასევე გარემოს დაცვისა და სოფლის მეურნეობის სამინისტროს, ეროვნული სატყეო სააგენტოს მეტყევეები და დაცული ტერიტორიების სააგენტოს რეინჯერები. ამ დროისთვის საქართველოს მასსშტაბით სიტუაცია კონტროლს სრულად ექვემდებარება.
