სეზონური გრიპი უკან არ იხევს - ბოლო მონაცემები

© Sputnik / Alex Shlamovვირუსი საქართველოში
ვირუსი საქართველოში - Sputnik საქართველო
გამოწერა
ბოლო მონაცემებით, გრიპის ვირუსით დაინფიცირების შემთხვევებმა მოიმატა და 100 ათას მოსახლეზე 161 შეადგინა

თბილისი, 9 მარტი — Sputnik. საქართველოში ბოლო კვირის განმავლობაში სეზონური გრიპით დაავადებულთა რიცხვი გაიზარდა, ნათქვამია დაავადებათა კონტროლისა და საზოგადოებრივი ჯანდაცვის ეროვნული ცენტრის განცხადებაში. 

შემოწმება საზღვარზე - Sputnik საქართველო
საქართველოში კორონავირუსის გამო უცხოეთის 25 მოქალაქე არ შემოუშვეს

დაავადებათა კონტროლისა და საზოგადოებრივი ჯანმრთელობის ეროვნული ცენტრი ყოველ ორშაბათს აჯამებს გასული კვირის მონაცემებს და მას თავის ვებ-გვერდზე აქვეყნებს. საქართველოში დაავადების პიკი დეკემბრის ბოლოს - იანვრის დასაწყისში დაფიქსირდა.

ცენტრის ინფორმაციით, ბოლო კვირის განმავლობაში 100 ათას ადამიანზე დაინფიცირების 161 შემთხვევა დაფიქსირდა. გასულ კვირაში ეს მაჩვენებელი 145-ს შეადგენდა.

სეზონური გრიპის სიმპტომებით ჰოსპიტალიზაციის მაჩვენებელის გაიზარდა და 33,6%-ს შეადგენს, მაშინ როდესაც გასულ კვირას ეს მაჩვენებელი 30,1%-ს შეადგენდა.

სპეციალისტები კვლავ ურჩევენ მოქალაქეებს, მოერიდონ თავშეყრის ადგილებს, ხშირად დაიბანონ ხელები, გაანიავონ ოთახები, მშობლებს კი აძლევენ რეკომენდაციას, გრიპისა და გაციების სიმპტომებისას ბავშვები არ გაუშვან სკოლებსა და საბავშვო ბაღებში. გარდა ამისა, სპეციალისტები მსხვილ ორგანიზაციებს, სამედიცინო და სასწავლო დაწესებულებებს მოუწოდებენ სადეზინფექციო საშუალებებისა და საპნის მომარაგებისკენ.

როგორც ადრე, საქართველოში უმეტეს შემთხვევაში ფიქსირდება B ტიპის ვირუსი, რომელიც ხასიათდება კლინიკურად შედარებით მსუბუქი და საშუალო სიმძიმის მიმდინარეობით.

ყველა ახალი ამბავი
0