ზემო ლარსი დღეს: კობი-გუდაურის გზაზე მოძრაობა ნაწილობრივ აღდგენილია

© Roads Department of Georgiaგზის გაწმენდითი სამუშაოები
გზის გაწმენდითი სამუშაოები - Sputnik საქართველო
გამოწერა
თოვლისა და ლიპყინულის გამო საერთაშორისო მნიშვნელობის გზის გუდაური-კობის მონაკვეთზე ჯერ კიდევ აკრძალულია მისაბმელიანი და ნახევრად-მისაბმელიანი ავტომობილების მოძრაობა

თბილისი, 2 მარტი - Sputnik. მცხეთა-სტეფანწმინდა-ლარსის საერთაშორისო მნიშვნელობის საავტომობილო გზის გუდაური-კობის მონაკვეთზე აღდგენილია მსუბუქი ავტომობილების მოძრაობა, ნათქვამია საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის განცხადებაში.

თოვლისა და ლიპყინულის გამო გუდაური-კობის მონაკვეთზე ჯერ კიდევ აკრძალულია მისაბმელიანი და ნახევრადმისაბმელიანი ავტომობილების მოძრაობა. ყველა სხვა სახის ტრანსპორტისთვის გზა გახსნილია.

თბილისი - Sputnik საქართველო
გაზაფხული დადგა: უახლოესი დღეების ამინდის პროგნოზი

გარემოს ეროვნული სააგენტოს ცნობით, გუდაური(ფოსტა)–კობის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით.

ავტოტრანსპორტის მოძრაობა რუსეთის საზღვრის მიმართულებით 29 თებერვალს, საღამოს, ინტენსიური თოვის შედეგად ზვავის ჩამოწოლის საფრთხის გამო ჩაიკეტა.

მცხეთა-სტეფანწმინდა-ლარსის ე.წ. საქართველოს სამხედრო გზა დღესდღეობით ერთადერთი სახმელეთო გზაა, რომელიც საქართველოსა და სომხეთს რუსეთთან აკავშირებს. „ზემო ლარსის“ საბაჟო-გამშვები პუნქტი კი ერთადერთი გამშვები პუნქტი საქართველოსა და რუსეთის სახმელეთო საზღვარზე.

ყველა ახალი ამბავი
0