ქუთაისის აეროპორტში ნარკოტიკული და ფსიქოტროპული მედიკამენტები ამოიღეს

გამოწერა
ქუთაისის საერთაშორისო აეროპორტის საბაჟო სამსახურმა აღკვეთა ნარკოტიკული და ფსიქოტროპული პრეპარატების უკანონოდ შემოტანის რამდენიმე მცდელობა

თბილისი, 19 თებერვალი - Sputnik. 13-დან 17 თებერვლამდე ქუთაისის საერთაშორისო აეროპორტის საბაჟო-გამშვებ პუნქტზე აღიკვეთა ქვეყანაში ნარკოტიკული და ფსიქოტროპული ნივთიერებების შემცველი მედიკამენტების უკანონოდ შემოტანის რამდენიმე მცდელობა, ნათქვამია საქართველოს ფინანსთა სამინისტროს შემოსავლების სამსახურის განცხადებაში.

ეჭვმიტანილი ხელბორკილებში - Sputnik საქართველო
დიდი ოდენობით ნარკოტიკების საქართველოში შემოტანის ბრალდებით უცხოელი დააკავეს

მოქალაქეები საბაჟო სამსახურის ოფიცრების ეჭვის საფუძველზე გაჩხრიკეს.

უწყების მონაცემებით, ჩხრეკისას ამოღებულ იქნა 2 კაფსულა ფსიქოტროპული და 126 აბი ნარკოტიკული ნივთიერების შემცველი მედიკამენტები.

საქმის მასალები გაგზავნილია საქართველოს შს სამინისტროში.

გამოძიება წარმოებს საქართველოს სისხლის სამართლის კოდექსის 260-ე მუხლით - ნარკოტიკული ნივთიერებების ან მათი ანალოგების უკანონო დამზადება, წარმოება, შეძენა, შენახვა, გადატანა, გადაგზავნა ან გასაღება. დანაშაული 11 წლამდე თავისუფლების აღკვეთით ისჯება.

სარფში განსაკუთრებით დიდი ოდენობით ნარკოტიკი ამოიღეს >>

ასევე საქართველოს სისხლის სამართლის 261-ე მუხლის პირველი ნაწილით - ფსიქოტროპული ნივთიერებების ან მათი ანალოგების უკანონო დამზადება, წარმოება, შეძენა, შენახვა, გადატანა, გადაგზავნა ან გასაღება, რაც ისჯება ორ წლამდე გამოსასწორებელი სამუშაოებით ან სამ წლამდე თავისუფლების აღკვეთით.

 

ყველა ახალი ამბავი
0