წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
1-10 თებერვალი
ამ პერიოდში მერწყულის ნიშნით იბადებიან - 21 იანვარი - 19 თებერვალი.
1-10 თებერვლის პერიოდი მერწყულის ნიშნის მეორე დეკადას განეკუთვნება.
ამ პერიოდში დაბადებული ადამიანების ხასიათს მერკური მართავს, ანიჭებს მათ სინაზეს, ემოციურობას, ჭკუასა და წინასწარმეტყველების უნარს. და ეს მათ მრავალი განსაცდელის თავიდან არიდებაში ეხმარება.
მნიშვნელოვანი წლებია: 10, 20, 42, 50, 60.
ამ პერიოდში დაბადებულთა სიმბოლოა - ფითრი.
ესენი არიან მომხიბლავი ადამიანები განსაკუთრებული შარმით. არიან შესანიშნავი, ვნებებით აღსავსე საყვარლები. იციან რა საკუთარი მომხიბლაობა, თავიანთ საუკეთესო თვისებებს ოსტატურად წარმოაჩენენ და იყენებენ ცხოვრებაში.
3 თებერვალს დაბადებულები
3 თებერვალს დაბადებულებს კარმული ვალები სდევს თან და მთელი ცხოვრება მათ გადახდას ანდომებენ. ბედნიერი ბავშვობა შეიძლება განსაცდელთა კასკადმა შეცვალოს, ბედნიერების მოსაპოვებლად ბევრის გადატანა უწევთ. არ არის გამორიცხული ღალატი, მარტოობა, ინტრიგები, მაქინაციები - მათ ძალა უნდა იპოვონ, რომ ღირსეულად ააწყონ თავიანთი ბედი. ბედნიერებისა და კომფორტის შესაძლებლობა მიეცემათ, უბრალოდ, გონივრული დამოკიდებულება უნდა ჰქონდეთ თანამებრძოლების არჩევნის მიმართ, ეს რიგი პრობლემებისა და მორალური თუ მატერიალური იმედგაცრუების თავიდან აცილებაში დაეხმარება.
3 თებერვალს დაბადებულების ცხოვრებაში განსაკუთრებული ადგილი პროფესიას უკავია. ჩვეულებრივ, საკუთარ სამუშაო ვალდებულებებს ადვილად, მსუბუქად ასრულებენ, აქვთ თავიანთი მუშაობის მექანიზმი. აქვთ დროის შეგრძნების შესანიშნავი უნარი, ამიტომ შესაფერის მომენტს გადამწყვეტი ნახტომისთვის (ბიზნესშიცა და სასიყვარულო ურთიერთობებშიც) კარგად არჩევენ. ამ დღეს დაბადებულებს არ სჩვევიათ საკუთარი ძალების გაზვიადება, იციან თავიანთი შესაძლებლობები. განსაკუთრებული გენიალობის ან ორიგინალობის არქონის მიუხედავად, თავიანთ საქმეში ისინი პროფესიონალები არიან. მათი უმეტესობისთვის პუნქტუალობა, ზოგადად, უცხოა, მაგრამ მაინც, სამსახურში იშვიათად აგვიანებენ. ამ დღეს დაბადებულებს აქვთ მოთმინებისა და უდრეკობის უზარმაზარი მარაგი, ამიტომ დასახულ მიზანს აუცილებლად აღწევენ. საქმიანი ურთიერთობები განსაკუთრებული აქვთ: ქმნიან რა კოლექტივთან ერთობლივი მუშაობის ილუზიას, ამ დღეს დაბადებულები გადაწყვეტილებებს მაინც დამოუკიდებლად იღებენ და მოქმედებენ.
განსაკუთრებულად გულდახურული არიან 3 თებერვალს დაბადებული მამაკაცები. ამ დღეს დაბადებულებისთვის სულ არ არის საინტერესო ის ფასეულობები, რაც, ჩვეულებრივ, ადამიანებისთვის მნიშვნელოვანია. მათთვის ბიზნესი ის სფეროა, რომელშიც წარმატების მიღწევა შეუძლიათ. მაგრამ არის ერთი პრობლემა - ფულს ისინი კოსმოსური სისწრაფით, გაუაზრებლად ხარჯავენ.
სწორედ ამიტომ 3 თებერვალს დაბადებულებს უჭირთ ცხოვრებაში სტაბილურობის მიღწევა. თუ მეტად მოქნილი იქნებიან, ჰარმონიის მიღწევის მეტი შანსი აქვთ. მათ აქვთ თვისება, რომ სწრაფად აუღონ ალღო ცვლილებებს. ფაქტებისა და მისი დეტალების გარშემო ტრიალისას, საქმის ორგანიზების სხვადასხვა მეთოდის გამოყენებით, მათი წარმატებისა და ხარვეზების ანალიზის უნარით, აუცილებლად უნდა გამოიტანონ გაკვეთილი და რეალობისადმი საკუთარი დამოკიდებულება შეიმუშაონ. მათ ერთმანეთთან უნდა შეაჯერონ მიმდინარე შემთხვევა და სტაბილურობა და თავდაჯერებულობა - ასე მიაღწევენ ჰარმონიას.
ჯანმრთელობა
3 თებერვალს დაბადებულები საკუთარ ჯანმრთელობას საკმაოდ უყურადღებოდ ეპყრობიან. ექიმს, უმეტესად, უკვე ჩამოყალიბებული დაავადების შემთხვევაში მიმართავენ. არ ფიქრობენ კვებაზე და კვების რეჟიმზე, დღის წესრიგზე, უარყოფენ ნებისმიერ შეზღუდვას. ამას ორგანიზმი გარკვეული პერიოდი უძლებს. შემდეგ დგება ზღვარი, რომელსაც შეიძლება დეპრესიაც დაერთოს თან. ჭამისგან ისინი ნამდვილ სიამოვნებას იღებენ, სანამ პრობლემები არ გაჩნდება. მათ უნდა გადახედონ ცხოვრების რეჟიმს, რათა სიბერეში ავადმყოფობამ არ შეაწუხოთ. ეს დაავადებები, უმრავლეს შემთხვევაში, ძვლებსა და გულს-სისხლძარღვთა სისტემას უკავშირდება.
2020 წლის რომელი თვე იქნება თქვენთვის ბედნიერი ზოდიაქოს ნიშნის მიხედვით>>
რჩევა:
გამოიმუშავეთ საკუთარი მოქმედებების ალგორითმი - დაისახეთ მიზანი, იბრძოლეთ, პირველივე მარცხისას ნუ ჩამოუშვებთ ხელებს. შეზღუდვები ხანდახან საჭიროა. ნუ შეუშინდებით გრძნობათა სიღრმეში „ჩაყვინთვას". ვალდებულებებს თავს ვერავინ აარიდებს და ის, ადრე თუ გვიან, ყველას წამოეწევა.
