თბილისი, 24 იანვარი – Sputnik. წყალბურთში საქართველოს მამაკაცთა ნაკრები ბუდაპეშტში ევროპის ჩემპიონატზე მეცხრე ადგილისთვის გამართულ მატჩში გერმანიის ნაკრებთან ანგარიშით 8:9 დამარცხდა.
ქართველი წყალბურთელები თამაშის პირველ ნაწილში უკეთესად გამოიყურებოდნენ და ორი სასტარტო მეოთხედი ანგარიშით 3:2 და 2:0 მოიგეს კიდეც. თუმცა, მეორე ნახევარში გერმანელმა წყალბურთელებმა შეძლეს მატჩის შემობრუნება და მოწინააღმდეგე მესამე მეოთხედში ანგარიშით 3:2, მეოთხეში კი 4:1 დაამარცხეს.
შედეგად, საქართველოს ნაკრებმა მეათე ადგილი დაიკავა და ევროპის ჩემპიონატზე ასპარეზობის სტატისტიკა გაიუმჯობესა. თურქეთის ნაკრებთან გამართულ მატჩამდე ჩვენი გუნდის საუკეთესო შედეგი 2014 წლის ევროპის ჩემპიონატზე მოპოვებული მე-12 ადგილი იყო.
მიმდინარე ჩემპიონატი 26 იანვრამდე გაგრძელდა, მოქმედი გამარჯვებული სერბეთის ნაკრებია.
