თბილისი, 23 იანვარი — Sputnik. კათოლიკოს-პატრიარქმა ილია მეორემ უკვე დატოვა ბათუმის კლინიკა „მედინა“, სადაც მან სულ ნახევარი საათი დაჰყო, იუწყება პირველი არხი.
როგორც კლინიკის ნეოროქირურგი განმარტავს, მიმართვის მიზეზი წელის ტკივილი გახდა.
23 იანვარი 2020, 16:37
„მის უწმინდესობას წელის ტკივილები ჰქონდა, მთხოვა კონსულტაცია. გადავუღეთ კომპიუტერული ტომოგრაფია, არაფერი საგანგაშო არ არის. წირვის დროს დიდხანს ფეხზე დგომის დროს წელის ტკივილი აწუხებდა. რაიმე საგანგაშო არ არის“, – განაცხადა ნეიროქირურგმა გიორგი ვალიშვილმა.
პატრიარქის პირადი ექიმის ცისანა შარტავას განცხადებით, ილია მეორის ჯანმრთელობის მდგომარეობა არ გაუარესებულა, სტაციონარში კი თავად პატრიარქისა და მისი ახლობლების სურვილით გადაიყვანეს.
საქართველოს კათოლიკოს-პატრიარქს 4 იანვარს 87 წელი შეუსრულდა.
