არასრულწლოვანთა პორნოგრაფიის საქმე: სასამართლომ სამი ბრალდებული პატიმრობაში დატოვა

© Sputnik / Alex Shlamovთბილისის საქალაქო სასამართლო
თბილისის საქალაქო სასამართლო - Sputnik საქართველო
ბავშვთა პორნოგრაფიის სკანდალურ საქმეზე დაკავებულია 24 ადამიანი, მათ შორის ორი უცხოელი – აშშ-ისა და ავსტრალიის მოქალაქეები.

თბილისი, 13 იანვარი – Sputnik. თბილისის საქალაქო სასამართლომ წინასწარ პატიმრობაში დატოვა არასრულწლოვანთა პორნოგრაფიის საქმეზე დაკავებული სამი ბრალდებული, იუწყება პირველი არხი.

ბავშვების პორნოგრაფიის საქმეზე კიდევ 11 პირი – მშობლები და პედაგოგი დააკავეს >>

არასრულწლოვანთა გამოსახულების შემცველი პორნოგრაფიული მასალის უკანონოდ დამზადება-გასაღების საქმის გახსნის შესახებ საქართველოს შსს-მ 2019 წლის 19 სექტემბერს გამოაცხადა. მაშინ დააკავეს 11 ადამიანი, მათ შორის აშშ-ისა და ავსტრალიის მოქალაქეები. გამოძიებამ დაადგინა, რომ უცხოელებმა თბილისში ნაქირავებ ბინებში გახსნეს არალეგალური ფოტოსალონები, სადაც შემდგომი რეალიზებისთვის პორნოგრაფიულ მასალას იღებდნენ. სულ საქმეზე დაკავებულია 24 ადამიანი. დაზარალებულია 8-დან 14 წლამდე ასაკის 23 არასრულწლოვანი.

თბილისის საქალაქო სასამართლომ არ დააკმაყოფილა ადვოკატების შუამდგომლობა – აღკვეთის ღონისძიების სახით შეფარდებული პატიმრობა შეეცვალა უფრო მსუბუქი აღკვეთის ღონისძიებით – გირაოთი.

ფულის მოხსნა ტერმინალთან - Sputnik საქართველო
ფრთხილად! საქართველოში კიბერთაღლითები ახალი სქემით მოქმედებენ

სასამართლომ ასევე იმსჯელა მტკიცებულებათა დასაშვებობაზე, თუმცა საქმის განხილვის დასრულება დღეს ვერ მოესწრო და საქმეზე მოსამართლე გადაწყვეტილებას 24 იანვარს გამოაცხადებს.

გამოძიებამ დაადგინა, რომ დაკავებულ მშობლებს გარკვეული საფასურის სანაცვლოდ შვილები თავად მიჰყავდათ კონსპირაციულ ბინაში, რომელიც თბილისში აშშ-ის მოქალაქეს დაქირავებული ჰქონდა და იქ არალეგალური ფოტოსალონი ჰქონდა გახსნილი. აქ ამზადებდნენ პორნოგრაფიული შინაარსის ფოტო-ვიდეომასალას ბავშვების მონაწილეობით, შემდგომში საზღვარგარეთ გასაყიდად.

პორნოგრაფიული ფოტოსესიისთვის უცხოელები 500-დან 3 ათას ლარამდე თანხას იხდიდნენ.

პოლიციამ დააკავა ასევე იმ სკოლის პედაგოგი, სადაც ბავშვები სწავლობდნენ. გამოძიების მონაცემებით, მასწავლებელი აქტიურად მონაწილეობდა ბავშვების შერჩევაში და აშშ-ის მოქალაქეს დანაშაულებრივი საქმიანობის განხორციელებაში ეხმარებოდა.

პოლიცია არ ასახელებს დაკავებულთა ვინაობას, თუმცა ქართულმა მასმედიამ სექტემბერში ეჭვმიტანილთა დაკავებისას გაარკვია, რომ დაკავებულთა ნაწილი გორის რაიონის ერთ-ერთი სოფლის მცხოვრებნი არიან. ამ სოფელში 2011-2012 წლებში პედაგოგად მუშაობდა პროგრამის „ისწავლე და ასწავლე საქართველოში“ მონაწილე, რომელიც ერთ-ერთი დაკავებული უცხოელია.

ბრალის დამტკიცების შემთხვევაში დაკავებულებს 17-დან 20 წლამდე ან უვადო თავისუფლების აღკვეთა ემუქრებათ.

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური