ეკატერინე გორგოძემ ავსტრალიაში ტურნირი გამარჯვებით დაიწყო

© Facebook / Eko Gorgodzeეკატერინე გორგოძე
ეკატერინე გორგოძე - Sputnik საქართველო
გამოწერა
ტურნირის ჩატარების ადგილი ავსტრალიის დედაქალაქ კანბერადან ქალაქ ბენდიგოში ქვეყანაში მიმდინარე ძლიერი ხანძრების გამო გადაიტანეს

თბილისი, 8 იანვარი — Sputnik. ქართველმა ჩოგბურთელმა ეკატერინე გორგოძემ (205-ე ადგილი WTA-ს რეიტინგით) ავსტრალიის ქალაქ ბენდიგოში საერთაშორისო საჩოგბურთო ფედერაციის ტურნირში (ITF) Apis Canberra International ასპარეზობა მოგებით დაიწყო.

ტურნირის ჩატარების ადგილი ავსტრალიის დედაქალაქ კანბერადან ქალაქ ბენდიგოში ქვეყანაში მიმდინარე ძლიერი ხანძრების გამო გადაიტანეს.

ოქსანა კალაშნიკოვა - Sputnik საქართველო
ქართველი ჩოგბურთელი ქალი ლიმოჟის ტურნირზე ფინალში დამარცხდა

პირველი რაუნდის მატჩში გორგოძემ ავსტრალიელი ბელინდა ვულკოკი სამ სეტში დაამარცხა - 3:6, 6:4, 7:6 (7:1).

მეორე შეხვედრას ეკატერინე გამართავს ტურნირის მეორე ჩოგანთან, ლუქსემბურგელ ჩოგბურთელ მენდი მენელასთან.

კიდევ ერთმა ქართველმა ჩოგბურთელი მარიამ ბოლქვაძე ტურნირს პირველივე რაუნდში გამოეთიშა.

ხვალ ეკატერინე გორგოძე წყვილთა თანრიგში შეხვედრას უნგრელ ჩოგბურთელთან რეკა-ლუცა იანისთან გამართავს.

ტურნირი ბენდიგოში 12 იანვარს დასრულდება. შეჯიბრების საპრიზო ფონდი 25 ათას აშშ დოლარს შეადგენს.

ყველა ახალი ამბავი
0