ეკონომიკის მინისტრი ახალ წელს ქვეყნის „ენერგეტიკულ გულში“ შეხვდა

© photo: Ministry of Economy and Sustainable Development of Georgia / FB ნათია თურნავა სადისპეტჩერო ცენტრში
ნათია თურნავა სადისპეტჩერო ცენტრში - Sputnik საქართველო
გამოწერა
ეკონომიკის სამინისტროს ინფორმაციით, ნათია თურნავა ახალ წელს წინა წლებშიც ქვეყნის „ენერგეტიკულ გულში“, სადისპეტჩერო ცენტრში ხვდებოდა.

თბილისი, 1 იანვარი — Sputnik. საქართველოს ეკონომიკისა და მდგრადი განვითარების მინისტრი ნათია თურნავა ახალ წელს საქართველოს სახელმწიფო ელექტროსისტემის ეროვნულ სადისპეტჩერო ცენტრში შეხვდა და ღამის ცვლაში მომუშავე თანამშრომლებს ახალი წელი პირადად მიულოცა, იუწყება სამინისტროს პრესსამსახური. 

საახალწლო ქალაქი - Sputnik საქართველო
საქართველოს პრეზიდენტმა პატარებს დამდეგი ახალი წელი მიულოცა

ეკონომიკის სამინისტროს ინფორმაციით, ნათია თურნავა ახალ წელს წინა წლებშიც ქვეყნის „ენერგეტიკულ გულში“, სადისპეტჩერო ცენტრში ხვდებოდა.

„ჩვენს მოქალაქეებს, სრულიად საქართველოს ვულოცავ ახალ, 2020 წელს. მინდა, ვუსურვო ბედნიერება, წარმატება, ჯანმრთელობა, განსაკუთრებით კი მათ, ვინც ახალ წელს სამსახურებრივ მოვალეობას ასრულებს. როდესაც ჩვენ ყველა ახალ წელს ვზეიმობთ, კარგად უნდა გვახსოვდეს, რომ აქ, ელექტროსისტემის ეროვნულ სადისპეტჩერო ცენტრში მომუშავე ადამიანები ყველაფერს აკეთებენ, რათა საქართველოში ყველგან იყოს შუქი და ბედნიერი ახალი წელი გვქონდეს“, — განაცხადა მინისტრმა.

მინისტრი სადისპეტჩერო ცენტრში უახლესი ტექნოლოგიებით აღჭურვილი მართვის ფარის მუშაობას გაეცნო, რომელიც ენერგოსისტემის ოპერატიულ მართვაზეა პასუხისმგებელი.

სს „საქართველოს სახელმწიფო ელექტროსისტემა“, როგორც დისპეტჩერიზაციის ერთადერთი ლიცენზიანტი, პასუხისმგებელია ელექტროენერგიის მოთხოვნა-მიწოდების დაბალანსებასა და ელექტროენერგიის საიმედო მიწოდებაზე.



 

 

ყველა ახალი ამბავი
0