საქართველოს რომელ რეგიონში მოხდა უკანონო თევზჭერის ყველაზე მეტი შემთხვევა

© photo: Sputnik / Denis Aslanovთევზაობა
თევზაობა - Sputnik საქართველო
გამოწერა
წელს, თბილისში გამოვლენილია უკანონო თევზჭერის 49 ფაქტი და მათგან სისხლის სამართლის დანაშაულის ნიშნებს შეიცავს 16

თბილისი, 28 დეკემბერი — Sputnik. გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა წელს უკანონო თევზჭერის 484 ფაქტი გამოავლინეს, ნათქვამია უწყების მიერ გავრცელებულ განცხადებაში.

ლარის კუპიურები - Sputnik საქართველო
გარემოს დაცვის და სოფლის მეურნეობის სამინისტროს თანამშრომელი ქრთამის აღებისას დააკავეს

მათგან სისხლის სამართლის დანაშაულის ნიშნებს 162 ფაქტი შეიცავს.

უკანონო თევზჭერის ყველაზე მეტი – 98 ფაქტი იმერეთში დაფიქსირდა. დეპარტამენტის თანამშრომლებმა ქვემო ქართლის რეგიონული სამმართველოს სამოქმედო ტერიტორიაზე სამართალდარღვევის 59 ფაქტი გამოავლინეს.

„შიდა ქართლში დაფიქსირდა უკანონო თევზჭერის 48 ფაქტი. მცხეთა-მთიანეთში – 47, აჭარაში – 43, კახეთში – 39, სამეგრელო-ზემო სვანეთში – 24, შავ ზღვაშიც – 24, გურიაში – 30, სამცხე-ჯავახეთში – 20, რაჭა-ლეჩხუმი-ქვემო სვანეთში კი, თევზჭერის სამი ფაქტი გამოვლინდა“, - ნათქვამია განცხადებაში.

წელს, თბილისში გამოვლენილია უკანონო თევზჭერის 49 ფაქტი და მათგან სისხლის სამართლის დანაშაულის ნიშნებს შეიცავს 16.

უკანონოდ მოპოვებული თევზის ოდენობამ ჯამში 410 კგ-მდე შეადგინა.

165 კილო უკანონოდ მოპოვებული თევზი: გარემოს დაცვის სამინისტრო სტატისტიკას აქვეყნებს >>

უწყების ინფორმაციით, აკრძალულ ადგილას აკრძალული საშუალებით თევზჭერა ითვალისწინებს სისხლის სამართლის პასუხისმგებლობას. აკრძალული საშუალებებია: ელექტროდენი, ელექტროშოკური აპარატი, სახლართი ბადე, ე.წ. ეკრანბადე, მოსასმელი ბადე, სხვა არასპორტულ-სამოყვარულო თევზჭერის ბადე-იარაღები, ასაფეთქებელი ან მომწამლავი ნივთიერებები.

სპორტულ-სამოყვარულო თევზჭერა კი დაშვებულია მთელი წლის განმავლობაში.

ყველა ახალი ამბავი
0