თბილისი, 21 დეკემბერი — Sputnik. მასმედიის თავისუფლების საკითხებში ეუთოს წარმომადგენელმა არლემ დეზირმა ესტონეთის ხელისუფლებას მოუწოდა, თავი შეიკავოს Sputnik ესტონეთის მუშაობის შეზღუდვისგან.
„მე მივწერე ესტონეთის ხელისუფლებას იმ ზომებზე, რომლებიც, ინდივიდუალური სანქციების შემდეგ (საერთაშორისო მედიასაინფორმაციო სააგენტო Россия сегодня-ს გენერალური დირექტორის, დმიტრი კისელიოვის წინააღმდეგ) Sputnik ესტონეთის ჟურნალისტების წინააღმდეგ მიმართეს. მოვუწოდებ ხელისუფლებას, თავი შეიკავონ უცხოური მედიასაშუალებების მუშაობის არასაჭირო შეზღუდვებისგან, რასაც შეუძლია გავლენა მოახდინოს ინფორმაციის თავისუფალ ნაკადზე“, — დაწერა არლემ დეზირმა ოფისის Twitter-აკაუნტზე.
მანამდე გავრცელდა ინფორმაცია, რომ Sputnik ესტონეთის თანამშრომლებმა პირდაპირი მუქარის შემცველი წერილები მიიღეს ქვეყნის სასაზღვრო დაცვისა და პოლიციის დეპარტამენტიდან, რომ იმ შემთხვევაში, თუ ისინი 2020 წლის 1 იანვრამდე არ შეწყვეტენ თანამშრომლობას სათავო ორგანიზაციასთან, საერთაშორისო საინფორმაციო სააგენტო Россия сегодня-სთან, მათ წინააღმდეგ სისხლის სამართლის საქმეები აღიძვრება. აღნიშნული ქმედებების საფუძვლად სახელდება სანქციები, რომლებიც ევროკავშირმა 2014 წლის 17 მარტს დაუწესა მთელ რიგ ფიზიკურ და იურიდიულ პირებს უკრაინაში მიმდინარე მოვლენების ფონზე.
