თბილისი, 2 დეკემბერი — Sputnik. ტალინში დღეს ნატოს მასშტაბური კიბერ-სწავლებები Cyber Coalition 2019 დაიწყო, იუწყება „Sputnik–ესტონეთი“.
სწავლებებში, რომელიც 6 დეკემბრამდე გასტანს, მონაწილეობას მიიღებს ნატოს 27 წევრი (29-დან) და ასევე ალიანსის ექვსი პარტნიორი ქვეყანა: იაპონია, ალჟირი, ავსტრია, ფინეთი, ირლანდია და შვედეთი.
სულ სწავლებებში შვიდასამდე სპეციალისტი იქნება ჩართული. მისი მსვლელობისას გათამაშდება კიბერშეტევის რეალობასთან მიახლოებული სცენარი, რათა სწავლების მონაწილეებმა სახელმწიფოსთვის სასიცოცხლოდ მნიშვნელოვანი სისტემების დაცვის მექანიზმები დაამუშაონ.
აღსანიშნავია, რომ ალიანსის კიბერ-ცენტრი ესტონეთის დედაქალაქში 2008 წელს ამოქმედდა. დღეისათვის კიბერ-ცენტრის შტატი 300-ზე მეტ თანამშრომელს ითვლის და მის მუშაობაში მუდმივად არის ჩართული 25 ქვეყნის წარმომადგენელი. ესტონეთში, რომელიც 2004 წლიდან არის სამხედრო-პოლიტიკური ალიანსის წევრი, Cyber Coalition-ის სწავლებები უკვე მეშვიდედ იმართება.
