თბილისი, 6 ნოემბერი - Sputnik. მეცნიერებმა დაასახელეს ნიკოტინზე დამოკიდებულებით გამოწვეული ახალი საფრთხე. როგორც აღმოჩნდა, მოწევა ხელს უწყობს შიზოფრენიისა და დეპრესიის განვითარებას და რამდენჯერმე ზრდის ამ ფსიქიკური აშლილობების განვითარების რისკს.
ეს დასკვნა ბრიტანელმა გენეტიკოსებმა გამოიტანეს. მათი კვლევა გამოქვეყნდა ჟურნალში Psychological Medicine.
აღნიშნული კვლევისას მეცნიერებმა გააანალიზეს დიდი ბრიტანეთის ნახევარი მილიონი მცხოვრების დნმ. როგორც გამოირკვა, ადამიანები, რომლებიც შიზოფრენიითა და დეპრესიით არიან დაავადებული, გაცილებით ხშირად ეწეოდნენ, ვიდრე სამეცნიერო ექსპერიმენტის დანარჩენი მონაწილეები.
მეტიც, ბრიტანელებს, რომლებიც ნიკოტინზე იყვნენ დამოკიდებული, ორჯერ უფრო ხშირად ემართებოდათ შიზოფრენია და დეპრესია, ვიდრე არამწეველებს.
მაშასადამე, გენეტიკოსების თეორია იმაზე მიუთითებს, რომ ნიკოტინი არღვევს სეროტონინისა და დოფამინის მუშაობას. ეს ტვინის ორი უმნიშვნელოვანესი სასიგნალო მოლეკულაა. სწორედ ისინი მონაწილეობენ შიზოფრენიისა და დეპრესიის ჩამოყალიბებაში.
