„ანაკლიის განვითარების კონსორციუმი" იხურება?

© photo: Anaklia Port / FBანაკლიის პორტი
ანაკლიის პორტი - Sputnik საქართველო
კონსორციუმის ხელმძღვანელობა უარყოფს კომპანიის დახურვას, მაგრამ თანამშრომლების შემცირებას არ გამორიცხავს.

თბილისი, 9 ოქტომბერი — Sputnik. „ანაკლიის განვითარების კონსორციუმი", რომელიც ანაკლიის პირველი ღრმაწყლოვანი პორტის მშენებლობით არის დაკავებული, ნოემბერში შეიძლება დაიხუროს, ირწმუნება ტელეკომპანია Rustavi 2.

მაია ცქიტიშვილი - Sputnik საქართველო
მაია ცქიტიშვილი: ფოთის პორტი ანაკლიის პორტს ვერ შეცვლის

კონსორციუმი ქართულმა კომპანია TBC Holding-მა (მამუკა ხაზარაძე) და ამერიკულმა კომპანია Conti International LLC-მ დააფუძნეს. კონსორციუმში შედიან ასევე SSA Marine (აშშ), British Wondernet Expres (ცენტრალური აზია) და G-Star Ltd. (ბულგარეთი). აგვისტოს შუა რიცხვებში ამერიკულმა კომპანია Conti group-მა "ანაკლიის განვითარების კონსორციუმიდან" გასვლის შესახებ განაცხადა, ამის გამო პროექტის განხორციელება საფრთხის ქვეშ აღმოჩნდა.

გავრცელებული ინფორმაციით, თანამშრომლები კომპანიის შესაძლო დახურვის თაობაზე უკვე გააფრთხილეს და კომპენსაციის გადახდის პირობაც მისცეს. თბილისში მდებარე კონსორციუმის ოფისში დაადასტურეს, რომ თანამშრომლების ნაწილი იქ უკვე აღარ მუშაობს.

თათბირის ჩატარების შესახებ ინფორმაცია დაადასტურა კომპანიის აღმასრულებელმა დირექტორმა ლევან ახვლედიანმა, რომელმაც დეტალებზე საუბრისგან თავი შეიკავა.

მამუკა ხაზარაძე - Sputnik საქართველო
ხაზარაძე: ეს თუ არ გაგრძელდა, ჩვენი ქვეყანა ბედნიერი ვერ იქნება

„ჩვენ არ ვამთავრებთ მუშაობას, ჩვეულებრივი ტემპით ვმუშაობთ, შეთანხმების თანახმად ვაგრძელებთ ვალდებულებების შესრულებას და არც ოფისი, და არც კომპანია არ იხურება. რაც შეეხება თანამშრომლებს, გუშინ მათთან საუბარი გვქონდა სამომავლო გეგმებზე და შეიძლება რომელიმე თანამშრომელმა ეს, როგორც კომპანიის დახურვა, ისე გაიგო. ჩვენ ამას არ ვადასტურებთ", – განაცხადა ახვლედიანმა.

რაც შეეხება თანამშრომლების შემცირებას, ახვლედიანის სიტყვებით, ყველაფერი 15 ოქტომბრის შემდეგ გადაწყდება. ამ დღეს „ანაკლიის განვითარების კონსორციუმმა" თანხების გამოყოფის თაობაზე ინვესტორებთან შეთანხმებები უნდა წარმოადგინოს.

„15 რიცხვს ველოდებით, მუშაობა მიდის ჩვეულებრივი ტემპით, ყველა მუშაობს, ოფისშია ყველა. შეგიძლიათ მიხვიდეთ და ნახოთ“, – განაცხადა მამუკა ხაზარაძემ, რომელმაც აგვისტოში კონსორციუმის მმართველობის საბჭო დატოვა, თუმცა კომპანიის ერთ-ერთ მფლობელად რჩება.

სექტემბრის შუა რიცხვებში საქართველოს პრემიერ-მინისტრმა გიორგი გახარიამ განაცხადა, რომ ანაკლიის პორტის მშენებლობისთვის საჭიროა პასუხისმგებლიანი, სერიოზული კერძო ინვესტორები, რომლებიც საქართველოში, სამწუხაროდ, არ არიან.

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური