აზიურმა ფაროსანამ დასავლეთ საქართველოს კვლავ შეუტია

CC BY-SA 2.0 / M van Ree / Halyomorpha halysაზიური ფაროსანა
აზიური ფაროსანა - Sputnik საქართველო
გამოწერა
ექსპერტთა თქმით, ამჟამად ფაროსანა გამოსაზამთრებლად თავს აფარებს საცხოვრებელ სახლებს

თბილისი, 7 ოქტომბერი – Sputnik. აზიური ფაროსანა დასავლეთ საქართველოში კვლავ გამოჩნდა, განსაკუთრებით მომრავლდა მავნებელი ხობის რაიონსა და პატარა ფოთში. ადგილობრივი მოსახლეობა დახმარებას ითხოვს, მავნებელი ანადგურებს ხურმისა და თხილის ბაღებს, იუწყება ტელეკომპანია Rustavi2.

ხილის ბაღების გარდა, მავნებელი მოსახლეობის საცხოვრებელ სახლებს უტევს. ადგილობრივები ამტკიცებენ, რომ სადეზინფექციო სამუშაოების მიუხედავად, ფაროსანას განადგურება მაინც ვერ მოხერხდა.

აზიური ფაროსანა - Sputnik საქართველო
საქართველოს ბრძოლამ ფაროსანასთან საყოველთაო აღიარება მოიპოვა

ადგილობრივი მოსახლეობა ამბობს, რომ ფაროსანა არის ყველგან, იმ საჭმელშიც კი, რომელსაც ისინი ამზადებენ.

სურსათის ეროვნულ სააგენტოში აცხადებენ, რომ ამ დროისთვის განადგურებულია აზიური ფაროსანას 90%, ხოლო ტერიტორიის შეწამვლა დღემდე გრძელდება.

„მავნებლის ბიოლოგიიდან გამომდინარე, ახლა არის პერიოდი, როდესაც ის გამოსაზამთრებლად სახლებისკენ მიემართება... სახელმწიფო ვერ შეძლებს ყველა ოჯახში მისვლას, ამიტომ, როდესაც მოსახლეობა თავის კარ–მიდამოსთან აზიურ ფაროსანას ნახავს, უნდა გაანადგუროს“, – განაცხადა აზიური ფაროსანას წინააღმდეგ ბრძოლის ცენტრის ხელმძღვანელმა ლაშა შალამბერიძემ.

საქართველოში აზიურ ფაროსანას ებრძვიან
აზიურმა ფაროსანამ დასავლეთ საქართველოს კვლავ შეუტია - Sputnik საქართველო
საქართველოში აზიურ ფაროსანას ებრძვიან

ფაროსანა საქართველოში 2015 წელს, სავარაუდოდ, აფხაზეთიდან გავრცელდა. მავნებელმა თხილისა და ციტრუსების უდიდესი ნაწილი გაანადგურა.

საწარმო  GEONUTS - Sputnik საქართველო
პრემიერი თხილის მოსავალზე: ჩვენ შეუძლებელი შევძელით

შარშან ფაროსანასთან ბრძოლისათვის სახელმწიფომ 49 მილიონი ლარი გამოყო, წელს – 45 მლნ ლარი.

საქართველოს მთავრობამ შეიმუშავა მავნებელთან ბრძოლის სპეციალური პროექტი, რომელიც ითვალისწინებს სამ ძირითად მიმართულებას: აქტიურ საინფორმაციო კამპანიას, სრულმასშტაბიან მონიტორინგსა და ქიმიურ შეწამვლას. ფაროსანასთან საქართველოს ბრძოლის მეთოდი მსოფლიოში ერთ–ერთ სამაგალითოდ აღიარეს და დღეს იგი გამოცდილებას სხვა ქვეყნებს უზიარებს.

აგვისტოში საქართველოს ხელისუფლებამ განაცხადა, რომ ქვეყანამ ბოლოსდაბოლოს შეძლო ფაროსანას დამარცხება და თავისუფლად ამოისუნთქა, რადგან დასავლეთ საქართველოში მავნებელი თითქმის აღარ გვხვდება.

 

ყველა ახალი ამბავი
0