საქართველომ პასპორტების ინდექსში პოზიციები გაიუმჯობესა

© photo: Sputnik / Stringerქართული პასპორტი
ქართული პასპორტი - Sputnik საქართველო
გამოწერა
НовостиTelegram
საქართველოს პასპორტი ყველა მეზობლის პასპორტზე უფრო ძლიერია, გარდა რუსეთისა.

თბილისი, 3 ოქტომბერი — Sputnik. საქართველომ პასპორტების ინდექსში 50-ე ადგილი დაიკავა – დღეისათვის საქართველოს მოქალაქეებს უვიზოდ 227-დან 114 ქვეყანაში შეუძლიათ წასვლა, ნათქვამია საერთაშორისო კონსალტინგური კომპანიის Henley&Partners ვებ-გვერდზე.

საქართველო ინდექსში ორი პოზიციით დაწინაურდა. კვლევის თანახმად, ბოლო სამ თვეში საქართველოსთვის უვიზო ქვეყნების სიამ ერთით მოიმატა.

პასპორტი - Sputnik საქართველო
არღვევთ თუ არა უვიზო რეჟიმს? მობილური აპლიკაცია ევროკავშირში ყოფნას გააკონტროლებს

რეიტინგის სათავეში არიან იაპონია და სინგაპური. ამ ქვეყნების მოქალაქეებს უვიზოდ შეუძლიათ მსოფლიოს 190 ქვეყანაში ჩასვლა. მეორე ადგილზე არიან გერმანია, ფინეთი და სამხრეთ კორეა (188), ხოლო მესამე ადგილს იყოფენ დანია, იტალია და ლუქსემბურგი (187).

რაც შეეხება საქართველოს მეზობლებს, რუსეთი 48-ე პოზიციაზე განთავსდა. მის მოქალაქეებს უვიზოდ 117 ქვეყანაში შეუძლიათ წასვლა. თურქეთი 52-ე ადგილზეა (112 მიმართულება), აზერბაიჯანი – 76-ზე (66), ხოლო სომხეთი – 81-ზე (60).

რეიტინგის აუტსაიდერები არიან ავღანეთი (25), ერაყი (27) და სირია (29).

ამბიციური პასპორტი - საქართველოს მოქალაქეობის მიღება გართულდა>>

კომპანია Henley&Partners-ის პასპორტების ყოველწლიური ინდექსი აანალიზებს 200-ზე მეტი ქვეყნისა და ტერიტორიის სავიზო წესებს.

კომპანია საერთაშორისო ლიდერია საცხოვრებელი ადგილის დაგეგმვის სფეროში. ის სხვადასხვა ქვეყნის მთავრობების მრჩეველია საინვესტიციო მოქალაქეობის პროგრამების შემუშავებასა და დანერგვაში.

ყველა ახალი ამბავი
0