ჯარიმას არ უშინდება: „გირჩი“ თბილისში ტაქსის რეფორმას ებრძვის

© FB / Girchiზურაბ ჯაფარიძე
ზურაბ ჯაფარიძე - Sputnik საქართველო
გამოწერა
ზურაბ ჯაფარიძე თბილისის მერს ჰპირდება, რომ ტაქსის მუშაობის ახალი წესების გაუქმებას მიაღწევს.

თბილისი, 1 ოქტომბერი — Sputnik. პარტია „გირჩი - ახალი პოლიტიკური ცენტრის“ ერთ-ერთმა ლიდერმა ზურაბ ჯაფარიძემ სპეციალურად დაარღვია ტაქსის მუშაობის ახალი წესები, ამისთვის დაჯარიმდა და ის თბილისის მერს შეპირდა, რომ რეფორმის გაუქმებას მიაღწევს.

© photo: Girchiზურაბ ჯაფარიძე
ჯარიმას არ უშინდება: „გირჩი“ თბილისში ტაქსის რეფორმას ებრძვის - Sputnik საქართველო
ზურაბ ჯაფარიძე

ტაქსების რეფორმა: თბილისელი ტაქსისტები დღეიდან ახალი წესებით იმუშავებენ >>

სამშაბათიდან თბილისის ყველა ტაქსი უნდა იყოს ორი კატეგორიის - А და В. A კატეგორიის ლიცენზია მათთვისაა განკუთვნილი, ვისთვისაც ტაქსის მძღოლობა შემოსავლის მთავარი წყაროა. მათი ავტომობილები აუცილებლად თეთრი ფერის უნდა იყოს. ისინი მგზავრების აყვანას შეძლებენ როგორც ქუჩაში, ისე გამოძახებით – ტაქსების სხვადასხვა კომპანიასთან თანამშრომლობის საფუძველზე. А კატეგორიის მძღოლებს მნიშვნელოვანი პრივილეგიები ექნებათ. ისინი მანქანაზე რეკლამის განთავსების სანაცვლოდ შეძლებენ უფასოდ გადაღებონ მანქანა და ისარგებლონ ქიმწმენდით, ასევე მათთვის სპეციალურად გამოყოფილი პარკირების ადგილებით სარგებლობას.

ტაქსის გაჩერება - Sputnik საქართველო
დღეიდან ტაქსების A და B კატეგორიებად დაყოფის სისტემა ძალაში შევიდა

სიახლით უკმაყოფილო ჯაფარიძე ერთი დღით პოლიტიკოსის ნაცვლად ტაქსის მძღოლად იქცა, თანაც ურჩ მძღოლად. ის მიუჯდა თავისი შავი მანქანის საჭეს, დააყენა ტაქსის ნიშანი და „სატაქსაოდ“ გავიდა. პირველივე აყვანილი მგზავრის შემდეგ პოლიციამ ის 200 ლარით დააჯარიმა.

„საბოლოო ჯამში ეს ყველაფერი ასე არ დამთავრდება – მოფიქრებული მაქვს კონკრეტული გზა, როგორ შეიძლება „გავღუნოთ" ეს რეგულაცია – კალაძე ამ ომს ვერ მოიგებს“, – განაცხადა ჯაფარიძემ.

მერიის მონაცემებით, 26 ათასი ლიცენზირებული ტაქსიდან სავალდებულო ტექდათვალიერება გაიარა 70%-მა. მათგან მხოლოდ 24%-მა მიიღო А კატეგორია.

„ნუ გადადებთ!“ – თბილისის მერმა ტაქსის მძღოლებს რეფორმის შესახებ შეახსენა >>

B კატეგორიის ლიცენზიის მქონე მძღოლებს შესაძლებლობა აქვთ ნებისმიერი ფერის ავტომობილით იმუშაონ, თუმცა მათ ტაქსის ამოსაცნობი ნიშნის განთავსებისა და მგზავრის ქუჩაში აყვანის უფლება არ აქვთ. აღნიშნული კატეგორიის მქონე ტაქსის მძღოლებისთვის მუშაობა მხოლოდ ტაქსის კომპანიებთან თანამშრომლობით არის ნებადართული.

ყველა ახალი ამბავი
0