თბილისი, 19 აგვისტო — Sputnik. კურორტ ბახმაროს გზაზე ავტომობილი მოსრიალდა და ამოტრიალდა, იუწყება ტელეკომპანია Rustavis 2.
შემთხვევა დაახლოებით ერთი საათის წინ მოხდა.
თვითმხილველების თქმით, ავტოსაგზაო შემთხვევის შედეგად სამი მგზავრი დაშავდა. მათ სხვადასხვა სახის დაზიანებები აქვთ მიღებული. დაშავებულები სასწრაფო დახმარების ბრიგადებმა ჩოხატაურის რაიონულ კლინიკაში გადაიყვანეს.
მომხდარ ფაქტთან დაკავშირებით გამოძიება სისხლის სამართლის კოდექსის 276-ე მუხლის მეორე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
