თუ გსურთ გაიხსენოთ ან ნახოთ, როგორ ატარებდნენ ბავშვები თავისუფალ დროს მე-20 საუკუნეში, იხილეთ Sputnik-ის ფოტოკადრები წარსულიდან.
მიუხედავად იმისა, რომ მაშინ არც კომპიუტერი იყო, არც ინტერნეტი და არც სხვადასხვა გაჯეტები, ბავშვებს მოსაწყენად ნამდვილად არ ეცალათ. მათი გართობა ალბათ უფრო ხალისიანი და მოძრავი იყო, შესაბამისად, უფრო ჯანმრთელიც.
ასეთ საქანელას ყველა დასასვენებელ სახლსა თუ პანსიონატში ნახავდით - ბავშვებით დახუნძლულსა და მუდმივად დაკავებულს
თეთრი თუ ფერადი ცარცებით ასფალტზე ხატვა ერთ-ერთი ყველაზე გავრცელებული გასართობი იყო. კონკურსებიც კი ტარდებოდა ხოლმე „ქუჩის შემოქმედებაში“
ეზოსა თუ ბუნებაშიც ბევრ დროს ატარებდნენ. სხვათა შორის, არც უწყინარ ცხოველებთან უშლიდნენ მშობლები ურთიერთობას
ესეც კიდევ ერთი დასტური ლაღი და გარკვეული აკრძალვებისგან თავისუფალი ბავშვობისა
ფეხბურთი ხომ ყველა ბიჭს უყვარდა და მუხლებიც არაერთხელ გადაუყვლეფიათ „დაუნდობელ“ შერკინებაში
ერთ-ერთი ყველაზე პოპულარული თამაში, ეგრეთ წოდებული, „ხიდობანა“ ალბათ ბევრ თქვენგანს უთამაშია თავის დროზე. სხვათა შორის, ის უფროსი ასაკის ადამიანებსაც ძალიან მოსწონდათ
წარსულის ბავშვობის ერთი ჩვეულებრივი ეზო
გასულ საუკუნეში კომპიუტერულ თამაშებს წარმატებით ანაცვლებდა მაგიდის ფეხბურთი და ჰოკეი. ვისაც ასეთი სათამაშო ჰქონდა, ყველაზე მეტად პოპულარული იყო „სანაცნობოში“
„როლიკები“ მაშინ ბევრად მარტივი კონსტრუქციისა იყო და არც სამუხლე-სამკლაურებსა თუ მუზარადთან ერთად არ იყიდებოდა.
