თბილისი, 5 აგვისტო — Sputnik. შავ ზღვაზე გამოცხადებულია საშტორმო მდგომარეობა, ნათქვამია საგანგებო სიტუაციების მართვის სამსახურის ვებგვერდზე გავრცელებულ განცხადებაში.
უწყების ინფორმაციით, უამინდობის გამო, ამ დროისთვის, შავი ზღვის სანაპირო ზოლზე ფიქსირდება 3-4 ბალიანი შტორმი, აღმართულია წითელი ალმები და აკრძალულია ცურვა.
„საგანგებო სიტუაციების მართვის სამსახური მოუწოდებს დამსვენებლებს დაიცვან უსაფრთხოების ნორმები, არ დატოვონ მცირეწლოვანი ბავშვები უმეთვალყურეოდ, არ ჩავიდნენ წყალში ალკოჰოლის ზემოქმედების ქვეშ ან ნაბახუსევზე, არ გასცდნენ უსაფრთხოების ტივტივებს", – ნათქვამია განცხადებაში.
უწყება მოქალაქეებს მოუწოდებს დაემორჩილონ მაშველების რეკომენდაციებს.
