ხე-ტყის უკანონო ჭრა: ყველაზე მეტი შემთხვევა კახეთში დაფიქსირდა

გამოწერა
სამართალდამცველებმა ჯამში უკანონოდ მოპოვებული 12 429 კუბური/მეტრი ხე-ტყე ამოიღეს.

თბილისი, 6 ივლისი - Sputnik. სამართალდამცველებმა 2019 წლის იანვრიდან მაისის ჩათვლით, ხე-ტყის უკანონო მოპოვებისა და ტრანსპორტირების 1121 ფაქტი გამოავლინეს, იუწყება ტელეკომპანია  Imedi.

გავრცელებული ინფორმაციით, გამოვლენილ ფაქტებს შორის 93 ფაქტი სისხლის სამართლის დანაშაულის ნიშნებს შეიცავს.

როგორც გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტში აცხადებენ, ხე-ტყის უკანონო მოპოვებისა და ტრანსპორტირების ყველაზე მეტი - 447 ფაქტი კახეთის რეგიონული სამმართველოს სამოქმედო ტერიტორიაზე გამოვლინდა.

პოლიცია - Sputnik საქართველო
ყველაზე ხშირად ჩადენილი დანაშაული საქართველოში: შსს–მ მონაცემები გამოაქვეყნა

სამეგრელო-ზემო სვანეთის რეგიონული სამმართველოს მასშტაბით- 88, იმერეთში - 119, გურიაში - 16, რაჭა-ლეჩხუმი ქვემო სვანეთში- 18, აჭარის რეგიონული სამმართველოს სამოქმედო ტერიტორიაზე - 100, მცხეთა-მთიანეთში- 32, შიდა ქართლში - 57, ქვემო ქართლის მასშტაბით- 102, სამცხე-ჯავახეთის რეგიონული სამმართველოს მასშტაბით - 130, ხოლო თბილისში - 12 ფაქტი დაფიქსირდა.

არსებული ინფორმაციით, სამართალდამცველებმა ჯამში  უკანონოდ მოპოვებული 12 429 კუბური/მეტრი ხე-ტყე ამოიღეს.

ამავე პერიოდში, დაფიქსირდა სახერხი საამქროს ტექნიკური რეგლამენტის დარღვევის 278 ფაქტი და ამოღებულია 120 ერთეული დაურეგისტრირებელი სახერხი. მასალები, შემდგომი რეაგირებისთვის, შესაბამის უწყებებშია გადაგზავნილი.

ყველა ახალი ამბავი
0